السبت، 6 سبتمبر 2008

رمضانيات

مازلنا في الثلث الأول من رمضان كل عام و انتم طيبون
ومحاولة الأجتهاد في العبادة علي اشدها
المواظبة علي صلاة التراويح وقراءة القران
يذكرني سلوكنا في رمضان بسلوكنا في موسم التخفيضات "الأوكازيون"
فنحن نقبل علي الشراء في الأوكازيون لرخص الأسعار ولأمكاننا شراء كميات اكبر
كذلك في رمضان نقبل علي قراءة القران ومحاولة ختمه اكثر من مرة مع ان المصحف امامنا طوال السنة
بس الثواب اكثر في رمضان
بينما نري امام اعيننا الكثير من المنكر الواجب تغييره باليد او اللسان او حتي بالقلب
نصرف عيوننا بعيدا الي المصحف لنلحق الختمة الأولي
رمضان كريم

هناك 5 تعليقات:

هبة النيــل يقول...

أستاذ طارق

جزيت الفردوس الأعلى

أسعد جدا بالربط العبقري يا فندم بكتابات حضرتك



تقدر تقول يمكن بنحتاج "تشجيع"

أو "مكسلين"

أو نكون من نوع العملا بيسموه "المتسوق"

عاوز "أفضل سلعة" ... "بأقل أسعار"

فــفي رمضان

"أكثر حسنات" ..."بأقل مجهود"

تصدق؟؟؟

زي الأوكازيون فعلا :)

همس يقول...

حلو حكايه التخفيضات دى

تشبهاتك جامده جدا

بس الحمد لله انا مش بهجر القران


وبنحاول نقرب من ربنا

بس بالله عليك ابقى ادعيلى

اوعى يا استاذ طارق تنسانى

كل سنه وانت طيب

شمس النهار يقول...

حمايه كان ديما يقول
رمضان جاي بالصابون
مين عايز يغسل
لوسمحت ادخل المدونه دي وشوف اللي بيحصل لشببنا
من قلة وعي الاهل
حتي الحب في سن المراهقه اتشوه في عيونهم
ay7aga16

Foxology يقول...

والله يا استاذ طارق انت قلت اللى كنت هكتبه فى بوست منفصل انا بحس بكدة فعلا انهم موسم الغسيل موسم الأوكازيون وبعد رمضان شكرا رجعت ريما لعادتها القديمة غير اساسا ان فى حاجات فى رمضان بتحصل مبنفكرش اننا نغيرها زى ما حضرتك قلت وده لسبب بسيط جدا اننا من جوانا مش عارفين حاجة ومش فاهمين حاجة او فاهمينها غلط انا امبارح ضربت ولد منادى على عربية مكروباص علشان حصلت خناقة فى الطريق والولد سب الدين بصراحة مقدرتش امسك نفسى ومسكته بعدها بستفة وتهزيق من نوعية انت لو كافر حتى مش مسلم لم نفسك احنا فى رمضان بس رجعت عاتبت نفسى هو انا كدة مشيت مع التيار ؟؟ رمضان جه يبقى نلم نفسنا وبعد رمضان نرجه نبعتر روحنا تانى ؟؟؟؟

حاجات كتيرة الواحد نفسه يعالجها ويتناقش مع الناس فيها نفسى بأة نفوق ونبطل جهل وغباء

تحياتى وكل سنة وانت طيب :)

شمس النهار يقول...

زمان في بدايات الاسلام كان العبد يموتوه والا ينطق بسب الدين الجديد او محمد
دلوقتي ماشاء الله
في ناس مابترتحش الا لوسبت الدين وهي بتتخانق
والجديد وهي بتهزر كمان
ربنا يهديهم