الثلاثاء، 16 سبتمبر، 2008

رمضانيات 4

كنت مدعو للأفطار بالقاهرة لدي اقاربي وبعد الأفطار توجهت لأحد المساجد القريبة لصلاة التراويح
لفت انتباهي ان المسجد به اجهزة لتكييف الهواء وستائر هوائية علي الأبواب للمحافظة علي درجة الحرارة داخل المسجد
كان المسجد ممتلئ بالمصليين
بصراحة كنت مستمتع بالصلاة داخل هذا الجو اللطيف مع ملاحظة ان الجو هذا اليوم كان حارا
ولكن داخلني شعور اخر افسد علي متعتي بالتكييف وهو ان الأصل في العبادات المشقة وتحملها في سبيل الله
فالي اين تمضي بنا الأيام
هل اذا تعطل التكييف في المسجد سوف يبقي الناس للصلاة في بيوتهم لتعودهم علي الجو المكيف
وما بال ناس اخريين في احياء فقيرة ليس لديهم القدرة علي تكييف مساجدهم هل يحجون الي المساجد المكيفة
الا يوجد فقراء و مساكين و ايتام اولي بهذه الأموال التي تصرف علي الرفاهيات
ام اني ابالغ في تلك الأفكار
افيدوني افادكم الله

هناك 9 تعليقات:

هبة النيــل يقول...

ههههههههههه

أستاذ طارق عفوا لهذه الابتسامة

لكن تذكرت ونحن برحلة الحج

بين عرفة والمزدلفة

رأيت رجال كبار السن والنساء محنيات الظهر

يسيرون جوار الأتوبيس المكيف الذي نستقله

فقلت نفس قولك سيدي

أليس المفروض أن تكون بها مشقة

وتساءلت هل سآخذ ثواب مثلهم أم هم سيأخذون أكثر مني

وسبحان الله سامع دعاءي

توقف السير وتوقفت الحافلات

والطريق ممتليء ولا يتحرك

وكان علينا أن ننزل لنذهب إلى المزدلفة سيرا

:)

سيدي اسمحلي أقول أنك صاحب قلب رقيق

وإن أبعد القلوب من الله القلب القاسي

إذن القلب الرقيق هو قريب من الله

بإذن الله

و"من لم يهتم بشئون المسلمين فليس منهم"

لذا أثابك الله على هذا التفكر

وأعانك الله على هذا الذي برأسك

أراه مثل ما لدي برأسي

متعب إلى درجة الإعياء

وأتخيل أنك حتى حين تحاول النوم

فإن هذا العقل لا ينام

يظل يفكر ويفكر


تقبل خالص تحياتي

اللهم ارزقنا البصيرة

Foxology يقول...

يااستاذ طارق احنا دلوقتى بقينا بنفكر فى الوسيلة مش الغاية كنا زمان بنعمل العكس لكن دلوقتى بنفكر اكتر حاجة فى الوسيلة مش مهم اصلى بتركيز واتمتع بعبادة ربنا المهم انى المسجد يكون نضيف ومكيف والشيخ مش بيطول علشان الحق اروح بدرى اتفرج على المسلسل احنا كدة وهنفضل كدة

رمضان كريم :)

هبة النيــل يقول...

أستاذ طارق حضرتك لو تسمح

مدونتك بتعملها إعداد عربي وللا انجلش؟؟؟

هبة النيــل يقول...

طيب أيا كان حضرتك هتضيف من adding blogers وهي أول إضافة هتظهرلك في التخطيط

تضيف الروابط اللي حضرتك عاوزها ... بس يا فندم

لو حضرتك حسيت اني مش عارفة أوصل المعلومة قوللي وانا أقولهالك بطريقة تانية

هبة النيــل يقول...
أزال المؤلف هذا التعليق.
هبة النيــل يقول...

مبروك الإضافات يا فندم

Che_wildwing يقول...

الثواب بحسب المشقة وحسب المال أو الوقت المبذول في سبيل أداء العبادة
ولا تنس لب الدين
الأعمال بالنيات

شمس النهار يقول...

يعني ياحج لازم نتعذب في العباده
خلاص
بلاش نتوضه بميه سخنه في الشتا
المسجد المكيف موجود
واللي مش موجود برضه
لااللي صله في ده غلط والااللي صله في ده غلط
الدين يسر ياحج

tarek momen يقول...

الأخ تشي احسنت القول
الصديقة شمس انا لم ادعي ان الصلاة في التكييف غلط
انما زي التعليق اللي قبلك
الأعمال بالنيات