الأربعاء، 25 يونيو، 2008

كوكب القرود

مصادفة علمت ان برنامج العاشرة مساء يستضيف شاهبندر تجار الحديد ببر مصر والقريب من الباب العالي
المهم قمت بتغيير القناة لاشاهد البرنامج يمكن يكون بيشرح للشعب الغلبان كيف تكون تاجر ناجح وملياردير في ظرف 5 سنوات
المهم لا شرح و لا افادة وكلام سايح في بعضه والمذيعة ماهياش عارفة تاخد منه لا حق و لا باطل او يمكن عرفت تاخد باطل
المهم ماكملتش 5 دقائق وعدت سريعا ل chanel 2 حيث كان يعرض فيلم كوكب القرود
ولمن لم يراه فهو يحكي عن تخيل للعالم في المستقبل حيث يسود القرود و يستعبدون الجنس البشري المتخلف
وبصراحة لم اجد فرق كبير بين الفيلم و الواقع فنحن فعلا يحكمنا مجموعة من القرود يلعبون علي كل الحبال و يستعبدون البشر
ويقلبون الحق باطل و الباطل حق
واعتقد ان اللي اكمل مشاهدة حلقة العاشرة مساء يوافقني في هذا الراي
بالذمة مش الفرجة علي الفيلم احسن

هناك 11 تعليقًا:

سبهللة عالاخر يقول...

طبعا الفيلم احسن من الحلقة اللى حرقت دمى
وكتبت عنهابوست بس حضرتك بقالك كام يوم مش بتدخل عندى
لعل المانع خير
وعندى تعليق على كل بوستاتك
اوجزت فانجزت
احلى حاجة فى المدونة بتاعتك يا استاذ طارق
ان كل كلامك يبنطبق عليه جملة
ما قل ودل

Che_wildwing يقول...

كوكب القرود وكوكب الحزب الوطنى
انا عايز اعيش في كوكب تالت

محمد حلمي مخلوف يقول...

اكيد الفيلم احسن لأن الفيلم بيعالج قضية مهمه جدا وهي ازدياد الاضرار بالطبيعة حتي تحدث الكارثة ناهيك عن الرفق بالحيوان انهي احسن بذمتك انت الرفق بالحيوان ولا الضرب في الانسان

Foxology يقول...

اكيد طبعا الفيلم افيد بكتير على الأقل الواحد بيتفرج بمزاجه :))

تحياتى :)

هبة النيــل يقول...

أستاذ طارق

تحياتي لمدونتك وسعيدة اني عرفتها فعلا

وتحياتي لعقلك المفكر والربط بين الفيلم كــ "خيال" والواقع

أنا شفت الفيلم قبل كدا بس الحقيقة شفتك ظلمت "القرود"

tarek momen يقول...

الأخت الفاضلة سبهللة
اشكرك علي رايك الجميل ومجاملتك الرقيقة في المدونة
بالنسبة لمروري علي مدونتك علي العكس انا كل يوم ابتدي بنوارة ثم سبهللة ثم جولة حرة في باقي المدونات لكن بعض الأحيان لا اترك تعليق لأني اجد من سبقني في التعليق قد عبر عن فكرتي فاجد انه لا داعي للتكرار
تحياتي

tarek momen يقول...

الأخ تشي
ياريت كان في كواكب تانية لكن للأسف لازمنكافحهم علشان نسترد كوكبنا

tarek momen يقول...

الأستاذ محمد حلمي مخلوف
ماهو اللي حاصل انهم بيدمروا الطبيعة حاليا مثال مشروع اجريوم بدمياط ودفن المخلفات النووية بسيناءو اذا لم يتم ايقافهم ستحدث الكارثة
بالنسبة للمقارنة فرايي انه مطلوب الرفق بالحيوان و احترام الأنسان
وهذا ما يحض عليه كل الأديان
تحياتي

tarek momen يقول...

الأخ فوكس الحكيم
اخبار الأفلام الهندي ايه
تحياتي

tarek momen يقول...

الأستاذة هبة النيل
اشكر لك مجاملتك اللطيفة و نورتي المدونة
واوافقك الراي اني ظلمت القرود فهي تاكل الموز حتي الشبع
اما الجماعة اياهم فياكلون كل شء لحد الفجع
تحياتي

همس يقول...

السلام عليكم يا استاذ طارق

على رايك

فيلم كوكب القرود

و حكومه القرود

شبه بعض

كلو بيتنطط

يلا يا استاذ طارق ربنا يصبرنا


بس المكياجى بتاعالفيلم كان جاااااامد جدا

انما ميكياج الحكومة رخم رخامه


تحياتى

يا باشا