الأربعاء، 18 يونيو 2008

واجب - واجب النفاذ

فوجئت ان ابلة سبهللة عاملة لي واجب وتركت تعليق واجب النفاذ اني احله
طبعا رغم اني من ايام المذاكرة لم اكن احب الواجبات وكنت انفذ الحكمة التي تقول لا تؤجل عمل اليوم الي الغد الأفضل تؤجله اسبوع
لكن دي اول مرة يجي لي واجب من احد المدونين وانا سعيد به جدا زائد ان ابلة سبهللة ليها افضال علي لأنها علمتني الغاء تاكيد التعليق
ما علينا كنت نويت احضر الحلول واذاكر شوية لكن الطبع غلاب قلت اقعد واسيب نفسي للوحة المفاتيح واللي يقدرني عليه ربنا هايكون
قوانين الواجب
1. اذكر اسم من طلب منك حل الواجب " الأخت سبهللة بارك الله فيها وفي اسرتها"
2.اذكر القوانين المتعلقة بهذا الواجب "اديني باكتبها "
3.تحدث عن ستة اسرار قد لايكتشفها من يقابلك للمرة الأولي " دخلنا في الأسئلة الصعبة"
4.حول هذا الواجب الي ستة مدونين واذكر اسماءهم مع روابط مدوناتهم في موضوعك "يا نهار ابيض ..اذا كنت ماعرفش اعمل رابط المدونة ..ضاعت درجة السؤال "
5. اترك تعليق في مدونة من حولت الواجب عليهم ليعلمواعن هذا الواجب " طيب "
..................................................
الستة اسرار التي يصعب علي من يقابلني لأول مرة ان يكتشفها هي كالتالي
1- توحي ملامحي بالجدية وبحكم السن المتقدم والشعر الأبيض يعتقد من يتعامل معي لأول وهلة اني انسان كشر رغم اني اميل للفكاهة والمرح وفي بعض الأحيان ادبر مقالب صغيرة لزملائي بالعمل
2- عادة لا استطيع ترتيب افكاري عند مناقشة موضوع ما يكون لي وجهة نظر مما يستدعي مني جهدا في شرح رؤيتي عدة مرات وبعد انتهاء المناقشة اتذكر أدلة كان يمكن ان تساعدني في اثبات رأيي
3- يبدو علي اني متسامح ولكن للأسف لا انسي الأساءة لمدة طويلة و اقول للأسف لأني اعرف ان هذه صفة سيئة و لا استطيع التخلص منها ورغم اني لا اسعي للأنتقام ممن اساء الي لكني لا استطيع ان امحو كراهيته من قلبي بسهولة
4- عندما ارغب في شئ لا اتعجل الحصول عليه بل اسعي بجهد حثيث واذا لم تساعدني الظروف لا اتنازل بل اؤجله حتي تكون الظروف مواتية
5- اتشكك دائما واحقق و امحص لدرجة ان بعض الفرص تمر من امامي ولا اتمكن منها لأني استغرقت وقت طويل للتأكد من انها فرصة فعلا
6-اتحمل الضغوط العصبية لفترة طويلة ولكن عندما انفجر اتحول لشخص انا نفسي لا اعرفه يعني زي المثل ما بيقول اتقي شر الحليم اذا غضب لذا دربت نفسي علي كظم الغيظ
.....................................
يا ساتر ده واجب صعب الحمد لله انه خلص
مسالة بقي تحويل الواجب لستة مدونين انا سوف احوله لمن يعلق عندي لأن معرفتي محدودة بباقي المدونين
وهم كالتالي
1. مصرية لكن متغاظة اند مفروسة
2. خلي ضافيك ضليلة
3. كلمة ابرك من عشرة
4. عروبة
5.مواجهات
6. الكيت كات
هابقي ابعت لهم علي مدونتهم اخطار بعلم الوصول
مبسوطة يا ابلة سبهللة اديني عملت الواجب
ـــــــــــــــــــــــــــــــــــــــــــــــــــــــــــــــــــــــــــــ

هناك 6 تعليقات:

سبهللة يقول...

أستاذ طارق اشكرك جدا واسفة على التدبيسة دى لكن انا كمان اتدبست زيك مع ان مدونتى طريقها بعيد تماما عن هذه الواجبات
والاسرار السته اللى انت قلت لهم فيهم كتير منى
تحياتى ليك وسامحنى انى اخترتك لعمل الواجب لان انا كما نزيك اخترت الناس اللى بتعلق عندى لان انا زيك لسه جديدة فى مجال التدوين
تحياتى ليك استاذى الفاضل

همس يقول...

يعنى اصوت ولا اصوت

بقى دا جزاتى انى بدخل اعلق يا طارق

ماشى بس هقول ايه

يلا حصل خير

بس هستاذنك بس فتره كدا وان شاء الله

هعمل الموضوع دا

وشرفتنى بزيارتك الجميله

تحياتى

دعاء مواجهات يقول...

إية دة انا إسمى مكتوووووووب؟؟؟

صباااح الواجباات الصعبة

ما كنا نسينا الافلام دى من زماان

لكن لأنك غالى عليا ولا يهمك هزاكر فى أسرع وقت وأجاوب

بجد السؤال جامد وصعب

نورتنى كعادتك

سلااام

شـمو نشـادر يقول...

حلوه الاجابات ..

اشطه ايوه كده احلى حاجه انك اديت لدعاء الواجب .. يلا خليها تتعصر ..

تحياتى ..

أسامة أمين

Foxology يقول...

استاذ طارق ايه الواجب التقيل ده مكنتش اعرف انه واجب بجد بالشكل ده :))

شكرا يا استاذ طارق على حلك للواجب وعلى التمرير اللطيف ليا :)

تحياتى :)

دعاء يقول...

إجابات واقعيه ومتميزه يا طارق ..

و شكرًا على الواجب لقد حللته بالفعل ودبست 6 اخرين ليحملوا هم راية الواجب .