الأحد، 1 يونيو، 2008

شجون

في طريق عودتي من عملي امر امام قسم الشرطة والاحظ علي فترات متقاربة تجمع بعض الاهالي امام باب القسم ويصطحبون معهم اطفالهم ويحملون اكياس بلاستيكية تحتوي علي الطعام ويبدو عليهم انهم جاءوا لزيارة اقاربهم المحتجزين بالقسم
ودائما الاحظ ان العسكري المكلف بالحراسة يصيح ناهرا اياهم ويطالبهم بالأبتعاد عن البوابة لكي لا يتعرض للعقاب من المامور ويطالبهم بالأنتظار بعيدا حتي ياذن البيه الظابط بادخال الزيارة
الذي اعلمه ان هؤلاء المحتجزين عادة ما يكونوا مقبوض عليهم في كمائن ليلية للأشتباه او في مشاجرات او لأسباب اخري و يكونوا في انتظار العرض علي النيابة
مما يعني انهم محبوسون احتياطيا ولم توجه لهم تهم بعد او لم يعرضوا علي القضاء
فلماذا يتعرضوا هم و اهاليهم لهذه المهانة و الأذلال
اليست هناك قاعدة قانونية تقول ان المتهم برئ الي ان تثبت ادانته
ام ان القاعدة التي يطبقها السادة ظباط الداخلية ان المتهم مدان حتي ولو ثبتت براءته
لماذا لايسمح بادخال الطعام لهم في اي وقت ولماذا لايسمح لاهاليهم بزيارتهم طالما ان حبسهم هذا ليس عقوبة وانما اجراء احترازي
اذا كنا نريد ان يعامل كل الناس باحترام فلنبدا بالمطالبة باحترام حقوق هذه الفئة من الناس

هناك 4 تعليقات:

tamer.sala7 يقول...

يا استاذ طارق هي دي اللي زعلتك
طيب موقف تاني بس للاسف اللي كان محبوس فيه اطفال صغيرين عندهم من 14 الي 16 سنة كانو هم واصحابهم في فسحة وبيتصوروا علي كوبري ستانلي فيهم واحد شجاع شوية وقف علي السور بتاع الكوبري رجله اتهزت وقع في البحر
كلهم محبوسين لغاية ما يظهر ان كان في شبهة جنائية او لا يعني خايفين ليكون حد زقو او بيهزرو او كدة
المهم عايز اقول لحضرتك ان الاطفال واهلهم اتبهدلو جدا والبيه الظابط ضرب اخت واحد فيهم مع انهم كلهم ملهومش ذنب
بس البلد بتاعتنا مفيهاش اي قانون بيحمي اي حد غير الواسطة وقانون زرار العسكري اكيد حضرتك عارفه

tarek momen يقول...

يا سيدي الفاضل
طبعا مش هي دي بس اللي زعلتني
في مائة الف حاجة في البلد مزعلاني
لكن انا اتكلمت عن حاجة من ضمن مئات الحاجات اللي شوفتها بعيني غير آلاف حاجات تانية سمعت عنها وما شوفتهاش
زي الحادثة اللي انت حكيت عنها و اول مرة اسمعها
لكن مش مستغرب
هم يطلع منهم اكثر من كده
ولو كل واحد فينا اتكلم عن اللي شافه او سمعه
الوعي بالحثالة دي هاينتشر في البلد
لغاية لما ييجي اليوم و يغوروا في ستين داهية
قول آمين

Foxology يقول...

لا يااستاذ طارق المتهم متهم حتى تثبت براءته هو ده القانون اللى ماشى

ياما فى الحبس مظاليم

ربنا يسترها علينا

تحياتى :)

همس يقول...

لا حولا ولا قوة الا بالله


اهو دا اللى بيقلك طوارئ

الله يحرقهم

بيبهدلوا الناس من غير اى ذنب