الجمعة، 20 يونيو، 2008

النت

النت فاصل.. هكذا اخبرتني ابنتي و انا اطلب منها ترك مقعدها امام جهاز الكمبيوتر
طيب.. هكذا اجبيها تاركا اياها تمارس الألعاب الطفولية كاصطياد الدجاجات الطائرة
عادة اتفرغ للنت يوميا لمدة ساعتان مساء
اشعر وانا افتح الشبكة اني ذاهب في جولة لمقابلة الأصدقاء
صحيح انهم اصدقاء لم اري وجوههم من قبل ولم اتعامل معهم وحها لوجه
ومن مختلف الأعمار و الأماكن والتوجهات الفكرية شباب و بنات ما شاء الله
ولكن اشعر تجاههم بحب و اعزاز كبيرين
لليوم التالي ومازال النت فاصل وبنتي مستمتعة ان الكمبيوتر لها وحدها فاختها تذاكر للثانوية وامها تمارس الأعمال المنزلية وابوها اللي هو انا عايز النت والنت فاصل
بدات اشعر مثل الرجل الذي تضايقت زوجته لكثرة نزوله الي القهوة لمقابلة اصدقاءه فقامت باخفاء كل بنطلوناته وهكذا لم يتمكن من الخروج
اخيرا النت اشتغل..ياساتر..احساس غامر بالفرحة اخيرا سوف اتمكن من المرور علي كل الأصدقاء وهادوشهم بالتعليقات
ياه ده النت بقي مهم جدا في حياة الأنسان

هناك 3 تعليقات:

همس يقول...

هههههههههههههههههههههه

والله بوست لذيذ جدا

فعلا النت لما بيفصل بيبقى حاجه رخمه جدا وتضايق اوى

وعلى رايك اتعودنا على اصحابنا فى التدوين

ويبقى عندنا شوق لاننا نشوف ونقرا
كل جديد نازل


وحمدلله على سلامة النت

Foxology يقول...

:))

والله يااستاذ طارق فكرتنى لما النت فصل عن مصر كلها فى المشكلة اللى حصلت من مدة دى كنت حاسس انى معزول تماما عن العالم

تحياتى :)

هبة النيــل يقول...

والله عندك حق :)

افتقدت الانترنت لعدة أيام انتابني ضيق شديد ربما لأن الكيبورد يستطيع أن يقول ما لا يستطيعه اللسان

أستاذ طارق فعلا بوست لذيذ جدا وسلملنا على الأمورة الصغيرة

اللي بتتحرم من ألعاب الكمبيوتر ساعتين كاملين :)