الجمعة، 1 يوليو، 2011

لقاء

اليوم كان هناك دعوة للمدونين للتبرع بالدم بمعهد المصل و اللقاح
بصراحة لم يسبق لي علي الاطلاق ان اشتركت في اي فعاليات يدعو اليها المدونين و كنت افضل دائما ان تكون علاقتي بهم علاقة ارواح عن طريق الاطلاع علي افكارهم من خلال تدويناتهم
لكن الاغراء هذه المرة كان قويا فالتبرع بالدم له ثواب كبير فماذا لديك اغلي من دمك و شعورك انه يجري في عروق بشر اخرين لا تعرفهم و يساهم في انقاذ حياتهم....شعور رائع
علاوة علي انه كان عندي مشوار ضروري بالقاهرة زد علي ذلك انه هناك اليوم دعوة للتظاهر بالتحرير و انا من الناس الذين يفضلون اصطياد عدة عصافير بحجر واحد"مجازا فانا لا اقوي علي قتل عصفورة" هكذا وجدت نفسي متوجها في الصباح الباكر الي القاهرة مسقط راسي" حلو الاكسيبرشن ده" وبحثت عن العنوان حتي وجدته و بالفعل وجدت هناك مجموعة من الطف البشر الذين سبق لي و قرات مدوناتهم و كانت هذه المرة الاولي التي اقابلهم شخصيا و هي تجربة لطيفة و ان شاء الله تتكرر كما اني طلعت بعصفور رابع فقد اهداني احد المدونين قطعة شيكولاتة
بصراحة اليوم كان كله فوائد و انجازات

هناك 6 تعليقات:

ابراهيم رزق يقول...

سعدت بالتعرف عى شخصية عظيمة مثل سيادتك

سلامى لك و ارجو دوام التواصل

تحياتى و تقديرى

عمرو فكرى يقول...

لو اعرف كنت اديت حضرتك الشيكولاتة بتاعتى :D

انا اسعد انى اتعرفت على حضرتك وعلى الجميع :)

tarek momen يقول...

الصديق ابراهيم رزق
اشكر لك مجاملنك اللطيفة
انما انا مجرد عابر سبيل
سلامي لك و للامورة الصعيرة ساليزياد ربنا يبارك قيها

tarek momen يقول...

الصديق عمرو قكري
اعتبر الشيكولاتة وصلت
والجايات اكثر من الرايحات
سعيد بتواصلك
تحياني

غير معرف يقول...

انا اللى قتلتها
قصدى اخرتها
معلش
لو ماكنتش اتاخرت كان زمانى شرفت انا وحفيدة عرابى بمعرفة سعاتك

خيرها فى غيرها ان شاء الله

وان شاء الله ان شاء الله تتكرر كتير
اصل مادام حضرتك شوفتهم
هتلاقى حاجة كده كل شوية تقول لحضرتك روح المرةدى واخر مرة خلاص
وتلاقيك بتروح تانى وتالت وعاشر

نورت المصل واللقاح واهل البلوج والقاهرة كلها :)

بيطرية :)

tarek momen يقول...

الصديقة بيطرية و مش بايدك
و لايهمك قتلتيهم او اخرتيهم في الاخر اللقا نصيب كما يقول المثل
و المصل و اللقاح و اهل البلوج و القاهرة كلها منورة بيكم يا ورد فتح في جناين مصر