الخميس، 11 يونيو، 2009

صورة

مضت سنة و بضعة شهور علي مشاركتي عالم التدوين
عرفت من خلاله شخصيات جميلة واستفدت من رؤي و اراء المشاركين في البوستات او التعليقات و مما يخطر في بالي انه مجتمع يشبه حديقة هايد بارك الشهيرة بلندن
قرأت عنها ولم ازورها
هناك يقف كل من يعن له ان يتحدث في اي موضوع ليخطب سواء استمع له الناس او انصرفوا عنه
خلال هذه الفترة كونت صورة في خيالي لاشكال اصدقائي المدونين الذين لم التق باي واحد منهم
طبعا هناك صورة للشخصية من واقع الكتابة ولكني اتكلم عن الصورة الشكلية التي هي معلم للأنسان
طبعا كثير من المدونين يضعون صورا شخصية علي مدوناتهم و انا منهم
وهناك اخرين يضعون صورة كاريكاتورية او رمز معين
اما الأخوات المدونات فيضعن صورا مستعارةاو صور ورد او رموز وهذا يعود لتقاليدنا الشرقية
المهم سوف احاول ان اصف الصورة التخيلية لبعض الأصدقاء الذين يتابعون مدونتي
اول من دخلت مدونتها نوارة نجم
وقد شاهدتها بالبرامج التليفزيونية فانتهت صورتها التخيلية وان كنت اظنها قبل ان اراها اكبر سنا و غير محجبة
لا اعرف لماذا تكونت تلك الصورةلدي
سبهللة
اتخيلها دائما ربة منزل مهندمة شديدة الأهتمام باناقتها مع التزامها بتعاليم دينها تنظم وقتها بين واجبات منزلها و المشاركة بالتدوين
" الكيت كات "فوكسولوجي
لم يعجبني بداية اختياره اسما لاتينيا عنوانا له
لذلك اخاطبه باسم فوكس الحكيم و فوكس تعني ثعلب لذلك اتخيله نحيفا وسط القامة لايرتدي نظارة وسنه بين العشرين و الثلاثين واقرب للعشرين ولديه حكمة الأربعين
مصرية متغاظة و مفروسة " همس"
اتخيلها بنت مصرية من طبقتنا المتوسطة
اللي تعمل جمعية علشان تشتري طقم ملابس عاجبها
بس عفريتة و ممكن تروح اي حتة لوحدها ما تخافش يعني صغنطوطة بس بميت راجل
ابي appy planet
مش عارف دايما في الأول بيبقي في نفسيتي حاجة ناحية اللي بيختاروا اسامي اجنبية لمدوناتهم او للتعريف بانفسهم لكن بعد فترة بانسي اسم المدونة و افتكر شخصية المدون
ابي برضه بنت مصرية مع بعض الأختلافات عن همس
يعني سكان القاهرة الجديدة ستايل و بتسوق عربية ستايل اشد و بتغلس علي اللي يغلس عليها ستايل اوعي وشك
الملخص بنت تفوت في الحديد الجدعنة المصرية علي ستايل
بس انا تعبت من الكتابة يمكن اكمل شخصيات اخري المرة الجاية
تحياتي
ياريت اللي يعلق يتخيل لي صورةو يذكرها بصرف النظر عن الصورة الموجودة علي المدونة لانها مش واضحة قوي

هناك 4 تعليقات:

Foxology يقول...

استاذنا الجميل استاذ طارق

اضحكنى جداااا تخيل حضرتك لصورتى فى الحقيقة انا اسمى الغريب ده كان لشهرتى وسط العائلة والأصدقاء بالسكوت الطويل ثم الخروج بالكلام الماكر اللى فيه اسقاط على موقف معين حصل وبالتالى طلعت عليا سمعة انى ماكر فى الردود كالثعلب والمكر بهدف عدم احراج احد او عدم اتهام احد :)

صورتى فى مخيلة حضرتك للأسف مخالفة للواقع :))

لست بنحيف ولكن معتدل البنيان لا اعانى من سمنة ولا نحافة الحمد لله

موضوع الحكمة دى شهادة افخر واعتز بيها جدااااا خصوصا انها من استاذى الجميل طارق

صورة حضرتك الشخصية انا شوفتها وكما تخيلتها فعلا قبل ما اشوفها :)

تحياتى :)

tarek momen يقول...

صديقي فوكس الحكيم
ايا كانت صورتك الحقيقية فهي بالتاكيد تطابق شخصيتك الجميلة
اشكر لك تعليقك
تحياتي

العجوز والبحر يقول...

موضوع جمبل جدا" وهو تخيل اشكال المودونين والمدونات واقترح عمل بوست كامل عن اشهر المدونين وياريت يقوم احد
رسامى الكاريكاتير المدونين بمحاولة رسمهم من اوصافك، ام صورتك الصغيره فتشى بالطيبه،و الذكاء ولكن الغريب
هى الفسيا ولك تحياتى .

همس يقول...

يااااااه يا باباتى

وحشتنا وربنا

معلشى الدنيا كانت ممرجحانى شويه

بس لسه ما اتمرجحت فعلا

على العموم اولا انا مبسوطة جدا جدا علشان افتكرتنى بكلمتين يعنى


بالرغم ان عمرى ما عملت جمعيه اجبلى بيها طقم
عادى يعنى كل ما يجى معايا مبلغ اشترى

ولا يكمن علشان قلت اتبرعو ليا ولكيكى علشان نتمرجح هههههه

وبعدين انا لسه جيه من الكويت يعنى

مظبطة نفسى بكام طقم ما تقلقش يعنى

هههههههه



وايه حكايه صغنطوطة دى

لا انا طوووووول بعرض بس متنكره اليومين دول


ومن ناحيه اروح اى مكان

اه يعنى اصلى بحب التغير وسفر والفسح

خاااااااصه مع ناس بحبهم وجو مرح كدا


متشاور نفسك وتيجى معانا المراجح

والله اتمنى اشوفك يا باباتى


ان شاء الله يجى يوم ونتقابل يا عمنا

واخيلك تبطل تتخيلنى

هصدمك بواقع رائع مفزع

طاطاطااااا

سلااااااااموز