الخميس، 4 يونيو، 2009

اوباما جانا

بالنسبة لزيارة السيد اوباما بصرف النظر عن ما قاله في خطابه
حد يشرح لي السبب في اختياره لمصر ليلقي فيها هذا الخطاب الموجه للعالم الأسلامي
هل لأن مصر و رغم تحييدها و عزلها بل و تقزيمها بعني حعلها قزمة قصيرة القامة
مازالت هي القلب و المركز للعالم الأسلامي
ومازال هناك في الغرب من يعمل حساب لشعبها الأصيل
وهل هناك امل ان يستفيق هذا الشعب و يعرف مصادر قوته و ان هناك من يخشي يقظته
هل لديكم اجابة

هناك 9 تعليقات:

Foxology يقول...

اولا : حمد الله ع السلامة يا استاذ طارق وحشتنا جداااا

ثانيا : اعتقد اختيار مصر للمهمة دى هو بداية اصلاح العلاقات اللى تقريبا باظت فى عهد بوش الأبن ولأن مصر بعيد عن الشعارات القديمة بتاعة الريادة والكلام الفاضى ده اعتقد ان امريكا اكبر مصالح ليها فى الشرق الأوسط مع مصر بالتحديد كفاية انها وسيط دائم بين القبائل الفلسطينية المتصارعة على السلطة وبين الفلسطينيين من ناحية واليهود من ناحية تانية ده غير انها على خط النار ... غزة ... وغير ان المصالح الأقتصادية الأساسية فى الشرق الأوسط لأمريكا موجودة فى مصر ولا ايه ؟

تحياتى واتمنى ان يكون قصدى وفهمى للموضوع صح

tarek momen يقول...

الصديق العزيز فوكس الحكيم
مسالة ان مصالح امريكا مع مصر فدي ممكن تتقضي بالتليفون او حتي بالسماح لراس النظام بزيارة لواشنطن وهذا ما يعتبره شرف ما بعده شرف
سؤالي عن مصر الشعب و الناس هل اوباما و متشاريه لهم رؤية ان مصر الناس و الحضارة هو انسب مكان لاعطاء زخم لخطابه للعالم الأسلامي
تحياتي

د. ياسر عمر عبد الفتاح يقول...

مبقتش بشغل بالي بالكلام ده
أو قل بطلت أتكلم فيه

إجابة السؤال ده ممكن تتعمل كتاب

tarek momen يقول...

الصديق دكتور ياسر
بزيارة سريعة الي مدونتك وجدت انك يشغل بالك هذا الكلام وليس عذرا ان الاجابة تحتاج كتاب
فاحيانا كلمات قليلة تغني عن كتاب
تحياتي

شمس النهار يقول...

اهلا اهلا ياحاج
البلوجر نور

اما موضوع اوباما
فاالحقيقه مصر هي رمز الاعتدال في المنطقه
وامنه رغم كل شي
والشعب الوحيد اللي هيرحب بالاجازه الاستثنائيه بمناسبة الزياره ومش هيعترض:)

tarek momen يقول...

الصديقة شمس النهار
تخيلي ما اخدتش بالي من موضوع الأجازة مع ان الشغل ادانا اجازة فعلا
فعلا احنا شعب يحب الأجازات بسبب و بدون سبب
تحياتي

لقد خلقنا الله احرارا يقول...

حمدا لله على السلامة
بلوجر نور يافندم
انا شايفة انه يقصد يوضح ان فى مرحلة جديدة فى العلاقات مع مصر مختلفة عن ايام بوش وان القوة الامريكيه فى عهده هتكون ناعمة مش متسلطة زى ايام بوش

لقد خلقنا الله احرارا يقول...

انا مكنتش قرأت التعليقات لكن انا مع رأى حضرتك حسب مافهمت
هو ليه اهداف عايز يحققها فطبيعى يختار مكان مناسب يوصل منه رسالته

tarek momen يقول...

الأبنة العزيزة حفيدة عرابي
تعليقك تمام
الفكرة اللي عاوز اوصل لها انه اذا كان الغرب ممثل في اميركا شايف اننا شعب له الثقل التاريخي بحيث يستند علينا في خطابه للعالم الأسلامي
ليه احنا ماعندناش الثقة بانفسناوسيبك من النظام لانه ليس له اي حسابات عند الغرب