حديث الساعة اليومين دول افتكاسة الفكر الجديد بالحزب الوطنه حول بيع اصول مصر للمصريين علي هيئة اسهم
وطبعا ماحدش فاهم حاجة من اللوغاريتمات اللي بيقولوها
وهذا يذكرني بايام الطفولة كان ييجي لك ولد غلس يقول لك " انا انت و انت انا مين الحمار فينا
" لو رديت عليه بأنت يقول لك ماهو انت انا يبقي انت حمار و لو قول له انا يضحك و يقول لك يعني انت معترف انك حمار
بالضبط بهذه الفكرة الفانتستيكية يحاول جهابذة الفكر بالحزب الوطني اجبارنا علي الأعتراف اننا كلنا حمير
بقي معقول اشتري حاجة بتاعتي و الا انا مستني الجهابذة علشان يبيعوها لي
ده ايه الهبل المستكوفي ده
الحضرة البهية لبنات مدرسة السنية
قبل عام واحد
هناك 8 تعليقات:
الحقيقة أن الهدف ليس البيع يا أ.طارق، هما مش هيبعولنا الأصول هما هيوزعوها ببلاش على كل من يزيد عمرة عن 21 عام، وبما ان الحداية مش بترمي كتاكيت فعلشان كده الموضوع محتاج تساؤل كثير..
ليه؟
هل أصول الشركات دي هي أصول لا اهمية لها فشلوا في خصخصتها فقرروا يضحكوا بيها على الناس؟
أم انها وسيلة جديدة للخصخصة ولكن لتكون الخصخصة بأيد الشعب هذه المرة، يعني المواطن ياخذ نصيبة من الأصول وبالطبع عند أي أزمة مادية سيبيع إما لرجال أعمال منتظرين البيع وبسعر منخفض تمامًا خاصة لو حدث ده في فترة العام قبل طرح الأسهم دي في البورصة.
أو لو حتى انتظر المواطن لتداول الأسهم في البورصة يبقى ممكن يبيع لغير المصرين كمان.
محدش اتكلم عن ماذا سيحدث لمواطن أخذ نصيبة من الأصول وباعها ، هل لم يعد يملك حق في أصول بلدة التي يعيش بها؟؟
إذن ما الوضع الدستوري والقانوني في الحالة دي؟؟
بما ان أصول البلد طبقًا لدستور أساسًا ملكية عامة للشعب؟؟طيب بعد ما الشعب باع إيه ألي حصل للباع وللي ما بعش وللي مخدش أصول أصلاً او أقل من 21 سنه؟؟
ببساطة في شيء غير طبيعي بيعد له والمفروض يمر من تحت أيدن الشعب المرة دي واحنا مش واخدين بالنا.
ربنا يستر.
ايه ده ياريس
همه اتفرجواعلي فيلم عايز حقي
انت كنت فين ياريس مختفي
هما فعلا بيقولوا هيوزعوها ببلاش
بس حتى دي ولو حقيقة ولو قصدهم خير
أنا مش شايفة أنه "حقنا نحن" ليه؟؟؟
لأن مصر ملك لشعبها أيا كان عمره والبشر يموت ويأتي غيره
يعني
مش من حقي لا أنا ولا أولادي لأن فيه بعدنا كتير جاي
عارف فكرة مصر مش بتاعتك مصر مش بتاعتي
مصر بتاعتنا كلنا
حضرتك فهمت قصدي؟؟؟
المستكوفى ده بط ماما لسه شاريه منه علشان اختى هتتجوز ومش عارفه ايه علاقه البط بالعشاء بتاع العرايس ما علينا
هما مصممين يدونا الختم عارفه عارفه
والله يااستاذ طارق الموضوع فى انّ
انا مش مطمن وحاسس انها افتكاسة كبيرة اوى هتخلينا كلنا نبقى مختومين زى ما آبى قالت واللى قالقنى اكتر الأشاعة القوية اللى بتقول ان بعد اتمام هذه الأشتغالة سيتم الغاءالدعم !
المشكلة انها واضح انها اشتغالةبس مش هنقدر نفتح بقنا علشان لو حد عارض هيترد عليه بان الحكومة اهى بتعمل الطيب واحنا اللى ناكرين للجميل مش عارف بصراحة الأيام اللى جاية ايه اللى هيحصل فيها تانى ربنا يستر
الصديقة دعاء
الحقيقة الهدف هو البيع و انت توصلت لهذه النتيجة في تعليقك
أم انها وسيلة جديدة للخصخصة ولكن لتكون الخصخصة بأيد الشعب هذه المرة، يعني المواطن ياخذ نصيبة من الأصول وبالطبع عند أي أزمة مادية سيبيع إما لرجال أعمال منتظرين البيع وبسعر منخفض تمامًا خاصة لو حدث ده في فترة العام قبل طرح الأسهم دي في البورصة.
الصديقة شمس النهار
بكرة يتفرجو علي فيلم اسماعيل ياسين لما اشتري العتبة الخضرا
ويبيعوا لنا المطافي
عندك حريقة ادفعي لاصحابها علشان يبعتوا عربية
الصديقة هبة النيل
مصر مش بتاعتي
مصر مش بتاعتك
مصر علي ما يبدو بتاعتهم هما
لكن ان شاء الله هم اي زوال
و مصر باقية
وهاتفضل بتاعتنا احنا المصريين
الأمبراطورة اااااابييييييي
وجه الشبه هو التميز
يعني البط المستكوفي نوع مميز
وكمان هبلهم المستكوفي من اجود انواع الهبل
مبروك لأخت عظمتك
وبالهنا و الشفا لعريس اخت عظمتك
الصديق فوكس الحكيم
عنك حق
راجع المثل اللي ذكرته
الأيام اللي جاية خير ان شاء الله
دولة البغي ساعة و دولة الحق الي قيام الساعة
ربنا ينجينا من شوية النصابين دول
عزيزي الاستاذ طارق
طبعا كلامك منطقي جدا
وانا معجب بيه قوي
بس انت نسيت تسئل سؤال تاني
لما هيبيعوا الاصول للمصريين
مين من المصريين الاي هيشتري؟؟؟؟؟؟؟؟؟؟؟؟
طبعا مش الاي زينا
اصلا
هما هيبيعوا مصر لنفسهم
وهو ده الفكر الجديد
تحياتي
هههههههههههههههه
شر البليه ما يضحك
إرسال تعليق