السبت، 29 نوفمبر، 2008

فتنة

عندما تابعت احداث الأشتباكات الطائفية التي حدثت بحي عين شمس منذ عدة ايام
داخلني احساس قوي بالخوف مما هو ات
فبالرغم من تكرار تلك الأحداث علي فترات متقطعة ولكن في الأغلب تكون ناشئة عن خلافات عادية في المعاملات بين اطراف مسلمة و مسيحية
لكن اعتقد ان هذه اول مرة اسمع عن اشتباكات بسبب اداء الصلاة
مما يؤكد ان شجرة الفتنة الداخلية قد نمت و ترعرعت وبدأت تؤتي ثمارها التي يحرص زارعوها علي الحصول عليها
وانا اقصد هنا امريكا و تابعيها اصحاب نظرية الفوضي الخلاقة
في ايام الطفولة و الشباب كان لي اصدقاء و جيران مسيحيين وكنا نتعامل بود و اخوة ونحرص علي تبادل التهنئة في المناسبات و الأعياد
ولم تكن هناك اي غضاضة في ذلك
فبالله عليكم ماذا يحدث لنا و لماذا هذا التعصب لأن بعض المسيحيين يريدوا ان يصلوا و ماذا يضيرنا من هذا
المشكلة ان الشعور برفض الأخر يتغلغل و ينتشر بين الطبقات الشعبية وهنا مكمن الخطر فعند اشتعال الشرارة لن يتمكن احد من ايقاف النار و لنا فيما حدث في لبنان مثل
ولا القي بالتهمة علي امريكا فقط ولكن التوجه الأعلامي للبلد و محاولة التغطية علي المشكلة من النظام والأدعاء انها حوادث فردية وعدم معالجة المشكلة من جذورها
كل هذا يساعد علي تفاقمها
ياناس نحن في قارب واحد و اذا غرق فسوف يغرق بنا جميعا
اللهم قد بلغت اللهم فاشهد

هناك 8 تعليقات:

همس يقول...

والله يا باباتى

الحكايه ماهى نفصه فى البلد

كلو بياكل فى بعضو

ومحدش طايق حد ...

حاجه بقت تخنق

تحياتى

~*§¦§ Appy §¦§*~ يقول...

اذا كنا كمسلمين بنفسن على بعض طيب متوقع ايه حضرتك بقى

Foxology يقول...

بالظبط يا استاذ طارق العيب فينا وفى النظام اللى ماشى من ايام الثورة على نغمة كله تمام ياريس

ربنا يسترها علينا دنيا وآخرة

تحياتى وكل سنة وحضرتك طيب:)

سبهللة يقول...

ربنا يلطف بينا بينا يا استاذ طارق
ما بقاش فى بلدنا اى حاجة تفرح
كل يوم والتناى مصيبة اقوى من اللى قبلها
ثم انا شايفة ان المركب يغرق فعلا حاليا
ان ماكنش غرق خلاص

tarek momen يقول...

بنوتي المفروسة..همس
فعلا كله مش طايق حد
بس ما توصلش ان ناس مش عايزين ناس تانية تصلي
ده في منتهي الخطورة
.................
جلالة الأمبراطورة ..ابي
كمسلمين ننفسن علي بعض
ماشي لكن عمرك شفتي مسلمين بيقولوا لمسلمين تانيين ماتصلوش هنا..الحتة دي بتاعتنا
.................
الصديق فوكس الحكيم
مش بس دي المشكلة
الأسخم ان النظام بيعادي المسلمين و المسيحيين وكل ملة او دين
ولايعتقد الا في الجنيه ربهم الأعلي
.................
الأخت الفاضلة.. سبهللة
انا ا}يدك ان مافيش حاجة في بلدنا تفرح
بس علينا دور لازم نقوم بيه
اننا نربي اولادنا علي القيم اللي اتربينا عليها
التسامح و المودة
يمكن يقدروا يخلوا ايامهم اجمل من ايامنا
....
تحياتي للجميع

دعاء يقول...

صدقت بجد..

و لا أفهم ليه ده بيحصل دلوقت؟؟

طول عمرنا متعايشين تمامًا

لو فكر كل شخص إن الأخر دينه عزيز عليه وإن ربنا نفسة منعنا عن الإسائة لأصحاب الديانات الأخرى؟؟

للأسف البعض بينفث في النار الفتنه علشان يشعلها ، والفهم الديني المنقوص بيخلي كتير يتحركوا وهم متخيلين أن ده من الدين وهو مش من الدين في شيء.

الزعيم يقول...
أزال المؤلف هذا التعليق.
Che_wildwing يقول...

يا استاذ طارق
هو بس الكبت
والكبت بيظهر في اوقات التعصب
من اول الكورة لحد الدين