الخميس، 30 أكتوبر، 2008

حريقة

في مخيلتي صورة قديمة عن الحرائق في الأرياف واندفاع جميع سكان القرية لمكافحة ألسنة اللهب
خاصة ان البيوت في القري فيما مضي كانت تبني من الطوب اللبن ويتم تسقيقها بالخشب و تستعمل الأسطح كمخزن للحطب الجاف كوقود للافران المنزلية
مما يجعل هذه البيوت فريسة سهلة للنيران
هذه الصورة ربما تكونت من مشاهدة الأفلام القديمة لاني لم اعش في حياتي خارج القاهرة
وقد سالت زملائي في العمل ممن يسكنون في الريف فاكدو ان هذا الطبع مازال سائدا رغم قلة الحرائق و تحول معظم المساكن للخرسانة و انقراض الأفران المنزلية و رغم هذا عند حدوث حريق يندفغ الجميع للمساعدة للشعور بالخطر الجمعي اي ان هذا الخطر يهدد بتدمير القرية بالكامل وواجب علي الجميع الأشتراك في القضاء عليه
واعتقد ان هذا التصرف بنطبق علي جميع القري في كل محافظات مصر
السؤال لماذا لا يشعر الشعب المصري بنفس الشعور ضد احتراق البلد بالظلم و الطغيان
لماذا لا يتكاتفون جميعا لمكافحة هذا الخطر الذي يدمر بلدنا علينا و علي الأجيال التالية لنا
هل هو الجهل ام الخوف
ام ماذا؟؟؟؟؟؟؟

هناك 17 تعليقًا:

صبرني يارب يقول...

حقيقى موضوع النار والحرايق ده فعلا يا اخي الفاضل فى الريف هنا على حسب كلام والدي ووالدتي ما شوفتش بعينى برضه

وسؤال حضرتك منطقي جدا جدا وعندي امل لما الى يتسلعوا من النار يكونوا اكتر يحصل كده
حقيقى مش عارفه امته هايجى اليوم ده
يظهر ان الاسعه لازم تكون جامده اوي


يظهر ان الخوف والرعب الى فى نفوسهم اقوى من ان تأخذهم الشجاعه لمقاومة نيران الطغاه والفاسدين .

تحياتي على على السؤال المنطقي جدا

شمس النهار يقول...

مش يمكن الناس
مش شايفين الحريقه اصلا

~*§¦§ Appy §¦§*~ يقول...

معندناش مسدسات ميه علشان نطفى الحرايق انا قولت استورد كام دسته كده من الموسكي اوزعهم على الشعب وكمان رجال المطافى بدل ما بيصرفوا كتير وفى النهايه يقولوا الجهاز مش شغال وكمان الموظفين مش مدربين
ي استاذنا بيمنعوا الناس والناس بقت بتتشفى فى الحكومه العجيبه ان الحكومه مش حسه ولا حسه ومشتهبله مش عارفه

ahmEd_H يقول...

انعدام الشعور بالانتماء هى الاجابه التى تدور فى عقلى

tarek momen يقول...

صبرني يارب.....امين
علي رايك
..احياناالخوف و الرعب اقوي من لسعة النار
شمس النهار
لو مش شايفين هايشوفوا امتي
ابي
مسدسات مية والله فكرة بس تكون مية نار
احمد اتش
يجوز عدم الأنتماء.. بس ده قصر نظر لأن عدم الأنتماء لن يحميهم من لسعة النار

همس يقول...

ميزتك يا كبير ان عليك تشبيهات وتقريب للصور جامده جدا

غير طبعا قاموس الامثله تبعك


وبعدين تروح تسال بعيد ليه

كنت تسالنى

ماعلينا

بس دا هو فعلا اللى بيحصل


انما ليه الماس مش بتتحرك

تلحق حريق الظلم

دا علشان حريق النار فيه الم جسد وبيبقى فى نفس الوقت

انما حريق الظلم دا بقالو كتييييييييييييييييييييير

لدرجة الناس افتكرت ان الحريق دا دفئ
تعايشو معاه وبقو اصحاب


ولا فيه عنين يشوفو بيها ولا مناخير يشمو بيها الحريق



فقعونى يا كبير

a7wal el Hawa يقول...

كان الريف كيان متكاتف متكامل و الكل يعرف الكل و مايضر الجار يشعر به اخيه و اذا مات في اخر القرية شخص هب الكل للعزاؤ و تبادر الكل لتنكيس اعلام الافراح
و اليوم تباعدت الروابط و اصبح الكل في معزل عن الاخر و تجد المأتم و الفرح في شارع واحد هذا يصرخ و الاخر يغني و كاننا في بلاد الطرشان
و هذا اعتقد ملخص ما يحدث الكل منغلق علي نفسه و يحسب انه الوحيد الذي يعاني و يحترق

تحياتي

tarek momen يقول...

العزيزة همس
منورة المدونة
سلامتك من الفقعة
مسير اللسعة تفوقهم

احوال الهوا
صدقت ..فعلا كل واحد يحسب انه الوحيد مع ان كلنا في الهم سواء

Tamer Alhosiny يقول...

عزيزي الاستاذ طارق

طبعا انا دائما اسئل هذا السؤال الغريب
لماذ ثار الشعب في السبعينات في ازمة العيش ولم يثر الان
لماذا لا يتاكاتف الان الناس
لمواجهة كل هذا الظلم والغلاء والفساد

لكني اكتشفت للاسف حقيقة مؤلمة
سوف افسح لها بوست كامل في مدونتي قريبا
لكني ساقولها لك في كلمة واحدة
ربما وجد الناس طريقة ليس لاخماد النار ولكن للتعايش معها

تامر الحسيني
انسان عاشق حر

SemSem يقول...

اول زيارة لى فى المدونة
ماشاء الله موضوع التشبيه بين التكاتف بين الاهل فى القرية ضد الخراب والتكاتف بين الناس ضد الفساد والظلم
انا شايف ان العملية ليها عدة محاور منها الجهل ومنها الخوف ومنها عدم تحمل المسئولية ويمكن دا اكبر سبب
باذن الله زيارتى ستتكرر كثيرا فى المدونة
تحياتى لك

عاشقة القمر يقول...

فعلا مشكله قصة الحرايق

بس داه عشان بلد فيهت ظلم هذا ظلم من الحكومات ياريت تعرف الحكومات ظلم بحصل في بلد يصلحو انفاسهم
يبقي مفيش ابتلااءت

فيان بطلت تزروني

Foxology يقول...

الأتنين يا استاذ طارق .. الجهل والخوف

الجهل >> كل واحد يقول طالما النار مش لاسعانى يبقى خلاص

الخوف >> ياعم كل عيش .. بيتقال كدة

عليه العوض

اقصوصه يقول...

اممممممممم

ما ادري شو اقول

نتمنى الحال تتحسن

على امل..دايما على امل

الله كريم

لورنس العرب يقول...

لا هو جهل ولا خوف
لعلمك- أغلب الناس الأمر مش في دماغهم أصلا
واللي ربنا بيكرمه لا بفكر في أي أحد
المهم ان حاله هو انصلح وبس
حتى فيه بعضهم بيعتقد أن الحال كويس وانت اللي متشائم!
وده لأن مفيش تفكير بشكل جماعي

انت تسال والكمبيوتر يجيب يقول...

الأخ العزيز صاحب هذه المدونه المتميزه والآراء الرصينه
تحيه طيبه
يسعدنا ان نسمع تعليقاتكم على ما نطرحه من موضوعات فى برنامجنا الأذاعى وهو الأول عن النت والمدونات من الأذاعه الرئيسيه لمصر ....موضوعاتنا تطرح فى مدونتنا...وتذاع التعليقات التى تكتبونها فى حلقات البرنامج وهو يذاع يوميا عدا الجمعه التاسعه وعشر دقائق صباحا على موجات أذاعة البرنامج العام
ونختار من المدونات فقرات لأذاعتها
المدونه
http://netonradio.blogspot.com

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي ِمدونتك
البنر موجود علي مدونتي

هبة النيــل يقول...

المعظم تحت ظلال "راعي أكل عيشك يابني"


صباح الفل أستاذ طارق