الخميس، 9 أكتوبر 2008

اقتصاد

عندما كنت في الثانوية العامة التحقت للعمل باحدي الشركات اثناء الأجازة الصيفية
وهناك نصحني احد الموظفين بعدم الألتحاق بكلية التجارة لكي لا اصبح موظف كحيان اقضي يومي وسط دفاتر الحسابات اجمع و اطرح مئات الأرقام
وقد عملت بنصيحته والتحقت بكلية العلوم
هذه المقدمة لأبين ان علاقتي بالأقتصاد تتلخص في المثل القائل "علي قد لحافك مد رجليك" والمثل الاخر الذي يقول "اللي مامعاهوش مايلزموش"
ولما سبق ومع اعتذاري لكل من درس بكليات التجارة اود ان يشرح لي احدهم ما معني الأزمة المالية التي تعصف بامريكا و ما السر وراء تصاعدها المفاجئ وهل هناك مهموز ترتبه امريكا لباقي دول العالم وذلك لأني فاقد الثقة في امريكا
ملحوظة لن اقبل اي تفسيرات لأقل من حاملي شهادة الماجستير او الدوكتوراه
ـــــــــــــــــــــــــــــــــــــــــــــــــــ
تحديث 11\10\2008
شاهدت في نشرة السادسة ان السيد الرئيس سوف يعقد اجتماع وزاري لمتابعة تداعيات الأزمة المالية بامريكا
ربنا يوفقه و يلاقيلها حل
استطيع ان اتنبا من الان ان 3\4 الشعب الأمريكي سوف يصبح من محدودي الدخل
ولكن لا داعي للخوف فهم في قلب الرئيس وتحت عنايته!!!!!!!

هناك 15 تعليقًا:

هبة النيــل يقول...

أستاذ طارق

طول الفترة دي ومعرفش إن حضرتك من "العلماء"؟؟؟

عموما كدا فهمت ليه أ،ا من متابعين مدونتك يا فندم

أتاري الدم بيحن هههههههههه

حضرتك أنا بكالوريوس علوم بردو

ومنتظرة معك رد دكتور الاقتصاد :)

دعاء يقول...

للأسف مش هقدر أرد على سؤال حضرتك انا اخر بني ادم في الارض يقدر يشرح أقتصاد.. حاليًا بعمل مجهود حقيقي علشان افهم ما يحدث لدرجة إني بقرا في الأقتصاد ربما أستطيع الوصول لحقيقة الازمة العالمية، ولكن ما استطعت فهمة من شرح من يفهمون في هذه الامور إن الازمة حقيقة مش لعبة من امريكا ،امريكا لاول مرة متضرره بجد وده كلام بعض أساتذة الأقتصاد بالفعل.. ولكن لو هناك أستاذ أقتصاد يفهمنا كلنا حقيقة الموقف بالتفصيل فأنا بضم صوتي لصوت حضرتك..

لأني برضة علمية مليش في موضوع الرياضه ده خالص :D

اقصوصه يقول...

انا ثنويه عامه

قسم لدبي بعد

انفع؟

شمس النهار يقول...

ياعم دي مش محتاجه لامجيستير والا دكتوراه
ماطار طيرا وارتفع الاكماطار وقع
امر الله علي كل ظالم ياخد الخبطه في اللي هو بيتجبربيه يوروني هيعملوا ايه مش دي الفلوس اللي بيتجبروا بيها يوروني الشطاره
الدور والباقي علينا اللي بعد ده كله
رئس الوزراء
بيقول ان اقتصادنا قوي ولم ولن وليس ويالهوي لن يتأثر

tarek momen يقول...

الصديقة و الزميلة الصغيرة هبة النيل
اخجلتم تواضعنا
لم اصل لمرتبة العلماء ولكن يكفيني فخرا اني من العلوميين

tarek momen يقول...

الصديقة دعاء
يظهر المتخصصين في الأقتصاد ياما مش فاضيين ياما تقلانين

tarek momen يقول...

الصديقة اقصوصة
مش فاهم انهي قسم بس

tarek momen يقول...

الصديقة شمس النهار
انتي متاكدة ان دي بداية النهاية لهم ده احنا علي كده عدينا النهاية بمراحل

شمس النهار يقول...

شفت مش قلت لك دي النهايه
اهو
حطهم في دماغه يبقي دي النهايه والا لا
رد عليه يقي
بس نفس اسأل الراجل الله يرحمه بتاع ماليزيا عمل هناك ايه خلاهم كده
احنا اتعمل فينا ايه بقينا كده
حد يحلها مع نفس السؤال بتاعك
ينوبكم ثواب فينا
بنتي بتقول لو فهمناها هنموت
ماشي
نموت فهمين احسن مانموت مش فهمين
حتي لما نتسأل ليه قصرنا نعرف نجاوب

سبهللة يقول...

شوف حضرتك
انهاردة فى برنامج العاشرة مساء
الست منى جابت راجل دكتور فى الجامعة الامريكية متخصص فى الاقتصاد
والراجل بصراحة فضل يشرح يشرح ويتعب نفسه
بس انا غباء منى ما فهمتش حاجة
ربنا يسهل وحد يكون فاهم يفهمنا
تحياتى لحضرتك
وعندى سؤال
هو حضرتك زعلان منى فى حاجة؟؟

Foxology يقول...

والله يا استاذ طارق موضوع الأزمة الأقتصادية دى انا شايف من وجهة نظرى المتواضعة الغير اقتصادية بالمرة انها بسبب خساير متواصلة وعجز مزمن فى الميزانية الأمريكية وكلنا نعرف كدة خصوصا ان العجز زاد فى عهد الرئيس المبجل جورج بوش الأبن وده طبعا احد اسبابه هو الحرب على العراق والأحتلال المستمر من 5 سنوات متواصلة

الأزمة دى هتبقى زى الطوفان يا استاذ طارق وافريقيا هتضيع وانا بقولها من دلوقتى افريقيا مجاعاتها هتزيد والدول اللى فيها الرمق هتبوظ بجد واحنا منها وده مش تشاؤم والله ده احساس مش اكتر وتفكير شبه منطقى

ربنا يسترها

Che_wildwing يقول...

إزيك يا أستاذ طارق
ممكن تقرأ التحليل ده
http://lenin1917.blogspot.com/2008/09/blog-post_23.html

خواطر ليست عابرة يقول...

والله نفص السؤال محيرني عن أسباب الأزمة المالية ومش لاقي حد يفهمني حتي منأهل التخصص
استمعت الي كلام المحللين الاقتصاديين ولكن كلهم لم يتطرق الي الأسباب وانما التداعيات
فيا ريت يا أستاذ طارق لو عرفت تقولي

كـــيــــــــارا يقول...

هو مش في حد هنا تجاره ولا ايه

انا عاوزه افهم برده

أحــوال الهـوي يقول...

الملحوظة ان خبراء الاقتصاد مش فاهمين
و اذا كنا عندنا علماء اقتصاد في مصر اول شئ يقترحوه فرض رسوم جديدة علي الشعب المصري لحل مشكلة الاقتصاد الامريكي و يكون اسمة رسم الحيلوه علي وزن رسم الايلوله بتاع الرزاز