الأحد، 26 أكتوبر 2008

كلهم امن دولة

وقعت هذه الأحداث في شهر رمضان الماضي و لكني فضلت ان اؤجل الكتابة عنها لكي لا اعكنن علي الأصدقاء
المهم اقيم في عمارة لها بواب ..غفير يعني مهمته حراسة العمارة و السيارات و قضاء الطلبات للسكان
وهو في اواسط العمر متعلم"دبلوم زراعة" ومتزوج ولديه طفل صغير
وينتمي لأحدي قري الصعيد
منذ مدة حدث خلاف بين الغفير و احد السكان لأن زوجة الساكن ادعت ان الغفير يتجاهلها و لايحمل لها الطلبات
فقام الساكن وهو بالمناسبة مهندس ميكانيكا قام باحضار مدير الأمن بالشركة التي يعمل بها وقام بالتعدي علي الغفير بالسب و افهمه انه ضابط بامن الدولة
المهم الغفير اشتكي للسكان من هذا التصرف فقام الجميع بعتاب هذا الجار و انتهي الموضوع
وفي رمضان الفائت حضر ساكن جديد للعمارة و اثناء تنقل الاثاث طلب من الغفير العمل مع عمال نقل الأثاث فاعتذر الغفير بانه مشغول بقضاء طلبات السكان فقام هذا الساكن بضربه وسبه باقذع الألفاظ قائلا انه هايوديه بلده متكتف لأنه قاضي و شقيقه ضابط بامن الدولة
المهم قام السكان بمعاتبة الساكن و انه لا يصح ان يعمل راسه براس الغفير
وفي اخر الشهر اتصل بي احد السكان و هو مهندس معماري يعمل بالسعودية يشتكي لي ان الغفير قد غالط شقيق الساكن في حساب الفواتير المتاخرة من كهرباء وغاز ويقوم شقيق الساكن بالحضور كل شهر لمحاسبة الغفير و اخبرني علي التليفون من السعودية انه يستطيع ان يرسل هذا الغفير وراء الشمس لأن زوج خالته ضابط بامن الدولة
خلا صة الموضوع ان ابطال هذه القصص من الطبقة المتوسطة و المثقفة
مهندس ميكانيكا و قاضي و مهندس معماري
فلماذا الأستقواء دائما بصلة القرابة بامن الدولة
هل هي فقدان للثقة بقيمتهم كمواطنين مثقفين و محترمين
واذا كان هذا الخلاف مع انسان بسيط لاحول له فما بالك لو اختلفوا مع شخص من نفس الطبقة
نعيب زماننا و العيب فينا و ما لزماننا عيب سوانا

هناك 19 تعليقًا:

خواطر ليست عابرة يقول...

أولا تحياتي علي هذا الموضوع الرائع
ثانيا هذا الجانب هو أحد جوانب تأخر بلادنا الاحتماء بالواسطة والمحسوبية الأمر الذي لا يوجد في أغلب الدول المتقدمة غير الاسلامية

Empress appy يقول...

طيب والله والله كنت بظبط بطزط امبارح من حرق الجاز بتاع اسبوع بتاع نظريه ام حلموس ده وبعد المعركه
فبفاصل مع الميكانيكي ومغلى الحاجات قولت له طيب مش دافعه وتعالا نروح القسم قالى لا نطلع على امن الدوله ههههههههههههههههه
قولت له ما بلاش يا راجل قلبك ابيض ههههههههه
قعد يقولى لا انا فلان باشا بقى يجيب ليه حقى
النبى كان فاضل شويه ويجيبوه من تحت سناني لانى كنت هعضه وفى الاخر دفعت اللى انا عاوزاه ههههههههههه

بجد تعليقك الاخير على الواد ابن الحزب اللى اتبروا منه ده موتني من الضحك جد تسلم يا استاذنا والله

Empress appy يقول...

اه بطوط دي عربيتى
وعلى فكره البواب شكله معوج وعاوز يتزبط بجد شده مره هيبقى كويس بس بلاش القسم لو تحب ممكن اجيلكوا خبره انا فى التعامل معاهم لما بتعوجوا هههههههه

tarek momen يقول...

خواطر ليست عابرة
شرفتني بالزيارة
لا افضل ربط الظاهرة بالدول الأسلامية او غيرها
انما هي محصلة سنين من القهر مما يجعل الأنسان يفقد ثقته و احترامه لذاته كعضو فعال و منتج في المجتمع

tarek momen يقول...

النجم الساطع والكوكب الامع سعادة جلالة حاكمة كوكب الفيكونات رقيب اول قائممقام اااااااابي هانم
شرفتي مدونتي المتواضعة بزيارتك بتعليقين متتاليين
وهذا من دواعي سروري و ممكن اعتبره وسام علي صدر مدونتي
الف سلامة علي صحة بطوط وبطلي افترا عليها و علي الرجالة الغلابة الذين يوقعهم حظهم في طريقك
والحمد لله ان سكتي بعيد عنك لأني مش هاقدر اشد قصادك من ناحية لحالتي ومن ناحية لحالة عربيتي انما ليت الشباب يعود يوما كنت خليتك تشوفي عادم عربيتي
بالنسبة للغفير ستات العمارة قايمين بالواجب لدرجة انه صعبان عليا
تخيلي كل واحد عنده واحدة بتحاسبه وده عنده 16 واحدة غير مراته

اقصوصه يقول...

هههههههههههه

كلهم امن دوله!!

بصراحه احس اللي يستعمل هالاسلوب انسان ضعيف

ما عنده القدره انه ياخذ حقه بنفسه

يعني مثل اي اثنين فالروضه يتضاربون

ويروح احد فيهم يهدد الثاني بابوه!!

tarek momen يقول...

اقصوصة
عندك حق التشبيه صادق و واقعي
شرفتيني بالزيارة

AHMED SAMIR يقول...

لو اختلفوا مع حد من نفس الطبقة
عمرهم ما كانوا هيجيبوا سيرة امن الدولة
لأن اكيد الطرف التاني في الخناقة هو كمان هيكون عنده قريب في امن الدولة برضة
فعلا والله
اصلها ما بتهونش الا على الغلبان

Abo 7anf يقول...

السلام عليكم
المشكله اننا فقدنا قيمتنا كمواطنين
ولا اننا بنسيئ استخدام السلطه الفى ايدنا

عاشقة القمر يقول...

ههههههههه عارفه انو احنا مش كنا مكتشفين امن دوله وامن ساحيه لم نزل مره دي شفنا مشكله بين سودنيه بين صاحب الشقه جيبتها لهم ناس السفار قالت لهم اهجيب امن الساحيه صاحب الشقه خالصه سكت اتفاقو علي خلا ف بينهم
نحنا مره بتاع تكسي تفقه معناه علي ثمن معين اول ماوصلنا قال لا عايزه اكثر اول قلنا له مش نعطيك نحنا اتفقنا ماما بتقول لو نروح القسم مش نعطيك عشان احنا اتفقنا
ناس بقول لنا هو القسم راحيه انا بقول لهم لا عايزن امن الساحيه هههههههههههه فعلا بوليس قال له يخاذوا فلوس ولا اهعملو ليك مشكله
فعلا اخذ فلوس راحيه بسنحنا عارفنا نخاذو حقنا زي
نحنا هنا عدنا عادي جدا ناس الامن والقسم بوليس بس انتهم بتعملوا لهم رن
بس نحنا عندنا عادي عندكم لم احد جيه بسياره الشوارع تفقل مش احد يقدر يمشي
بس احنا لا عادي كلنا سوي حتي مش بتعرف راكب في السياره هو مين

شمس النهار يقول...

ماهي دي الموضه
انت مش عارف بتكلم مين
واحد راكب اتوبيس في شهر اغسطس
والاتوبيس زحمه والناس مش طايقه نفسها
واحد داس علي رجل واحد فاشتمه فالتاني قاله احترم نفسك انت مش عارف انا مين شوف بتكلم مين
قاله بكلم مين اصلا انت واحد.........
راكب اتوبيس في عز الحر والزحمه
هتكون مين يعني
ايه رأيك
بس علي فكره البواب ده عايز ظبط اتجاهات ليه عشان هو حاسس انه متعلم ومتنور والمفروض انه بشهادته دي زيه زي السكان
وانه المفروض مايشتغلش بواب ومش عشان اشتغل بواب يبقه ملطشه للسكان
فحب يعمل لنفسه برستيج
مع ان هو لو قال حاضر ونعم وكان لسانه حلو وطبق الكلمه الطيبه صدقه تبسمك في وجه اخيك صدقه
هياكل عقل السكان ويكون تمام هوساب ايه بقه للبوابين الغير متعلمين
انت ماشفتش ليه البوست اللي عملته من عندك وكمان ماعلقتش ليه عليه
اجيب لك بقه امن الدوله والا هتيجي تقراه وتعلق عليه بمزاجك

Empress appy يقول...

هههههههههههههههههههه
لااااااا دا انا هتضامن مع الغفير علشان الناس كده انت عكست الموضوع ونال عطفى انت حيرتنى اقولكم ارموه او حطوه جنب الحيطه
والله بجد بقى مبدأ غريب الوسطات فى مصر
ادعيلى بقى رايحه اجدد الترخيص بكره ودماغه راكبه شمال ومش عاوزة اقول لحد يعملها ليه ربنا يستر نروح نلطش فيهم وامرنا لله

بجد سعيده انى عرفت مدونتك ولو انها متاخره

Foxology يقول...

يا استاذ طارق النظام عمل فينا كدة

عمل البلد طبقات واللى بيتقال دايما : انت مش عارف انت بتكلم مين ؟ انا ابن فلان او ابن خالتى فلان او ابن عمى فلان وفى الغالب بتبقى الوظيفة : ظابط امن دولة مش عارف ليه !

عادى بأة الطبقية والمحسوبية هما الصفة السائدة

سبهللة يقول...

بيصعب عليا اوى الاستقواء على الضعيف
بكل أشكاله
يعنى مثلا انا عدى على فى البرج اللى ساكنة كذا بواب واسرته
والحمد لله معاملتى وزوجى ليهم حلوة جداجدا
لدرجة ان البواب فى طالعة و النازلة يقول اى امر بس انتوا امروا بس وانا عنيا ليكوا
فى حين انى بشوف سكان من نفس البرج طالعين نازلين يشخطوا فيه
انت عارف
البواب اللى عندى اصله من الصعيد لما مراته راحت اجازة فى البلد شوية ورجعت جابتلى زيارة عبارة عن عيش بتاع الصعيد اللى معمول من الحلبة
وجابتلى ملوخية ناشفة
صحيح حاجات بسيطة بس انا سعدت بيها جدا
وافتكر مرة كان ابن البواب بيهزر مع بنتى وقلت لو عاجباك جهز نفسك وانا اجوزهالك
رد عليا ابوه وقاله هو احنا قد المقام؟؟
بجد الكلمة دى وجعتنى جدا وقلت ما تقولش كدة تانى كلنا زى بعض انا بأدى شغلى فى مكانى وانت كمان بتأدى عملك فى مكانك وعشان يتقى عارف احنا كسكان من غيرك نحتاس انت عملك مهم جدا بالنسبة كلنا ولازم تكون فخور بعملك وما تعلمش اولادك الذل
معلش طولت عليك
بس بجد قلبى وجعنى على الحارس بتاعكم
حتى لو هو مخطىء نحاول نتعامل معاه باللين والحب واكيد هايتغير
فعلا الحب يعمل المعجزات

همس يقول...

ايه حكايه امن الدوله دا

محسسنى انهم بيخوفو عيل صغير ويقلولو هتعمل الحاجه دى ولا اجبلك البعبع

امن الدوله بكل اسف بقى زى البعبع للناس

بالرغم ان مهمته هيا امن


بس هتقول على الحول ايه يا كبير

Unknown يقول...

امن دوله : اسم يرجف ..يرعب ..يخض اسم فيلم سينمائي لم اشاهده ...ما شاهدته تعليقكم الطريف وتشريفكم لي بالزياره طبعا الي زاروني وشرفوني رديت عليهم عندي ..لكن حضرتك ربما تكون امن دوله قلت ياعم روحله هناك ...لا تحرمنا من زيارتك سيدي ...قبل فركشتي.

Gannah يقول...

كلنا نعرف انك اذا سلكت الطرق المشروعة فلا ضمان معها انك ستأخذ حقك وبالتالى يبحث معظم الناس عن الطرق الملتوية
فى صورها المختلفة رشوة أو ارهاب منصب
المهم ان السائد هو صوت القوة وليس صوت الحق
المصيبة ان يكون ذلك ما نعلمه لأبنائنا ..عندها لن يكون هناك أمل فى التقدم
انا سيرة امن الدولة مرتبطة معايا بالسياسة مكنتش اعرف انهم كمان بيتدخلوا فى الحاجات البسيطة دى
تحياتى

أحــوال الهـوي يقول...

هذا نموذج للضعفاء للستقواء علي الضعفاءبارتداء ثياب السلطه فاذا كان العدل هو شريعة المجتمع لامن الناس و صار الحق يصل اليهم دون الحاجة لاستخدام نفوذ ذو السطوةو الجبروت
فنحن نري جميعا بان لا وجود الا لقانون واحد ليس العدل جزء منه و البقاءلقانون الغاب
وصار الخوف من ظل الاسد فجعل كل فأر يرتدي قناعا يجعل منه خيال مأته يرعب به من يريد

تحياتي

حسن مدني يقول...

الحقيقة سيدي
الموضوع يعبر من أحد أوجهه عن فقدان الثقة في قيمة الإنسان كمواطن. من جهة أخرى عن فقدان الثقة قدرة الفرد على نيل حقه بالوسائل القانونية والأخلاقية.
فهناك غيبة للقانون والنظام والأخلاق معا. وفي ظل هذه الغيبة لا بد أن يسود قانون الغاب.
تحياتي