السبت، 5 يوليو 2008

وقفة مصرية

خلال الأيام القليلة الماضية كنت مضطر للسفر الي القاهرة عدة مرات وشاهدت عدد كبير من الأعلانات المعلقة علي اعمدة الأنارة بالشوارع بعنوان وقفة مصرية
وما لفت انتباهي هو ان مضمون الأعلان دائما بصيغة ضمير المتكلم للجماعة مثل نتعلم كلنا نشرب كلنا نشبع كلنا وهكذا
طيب خطر علي بالي اننا لو لم نسمع كلام الحكومة ولم نقف الوقفة المصرية المطلوبة هل سوف نجوع كلنا ونموت كلنا ام ان هناك بعض المحظوظين من هم خارج نطاق كلنا المذكورة
وهذا يعيدنا الي شعار مصر بتتقدم بينا
مين بينا دول ؟؟؟
اذا كان هناك مصر العشة و مصر القصر يبقي ايهما التي تتقدم وبمين؟؟؟
بصراحة حاجة تلخبط
عموما نصيحتي للجماعة اللي بينصحونا انهم يقفوا هم الوقفة المصرية مع نفسهم اما احنا فلنا رب اسمه الكريم و لن ينسانا و مش هانبات من غير عشا

هناك 8 تعليقات:

زفته وقطران يقول...

انا بحجز بس
حقراء واجي

زفته وقطران يقول...

لا انا شايفه
ان العشه والقصر
يقفو
وقفه مصريه

هبة النيــل يقول...

مصر العشة ومصر القصر

والاتنين في بلادنا دي "مصر"

ناس فالفيللا وعالنيل طلة

وناس دي حيالله.. عايشة وبالستر

لقمة وهدمة وشغلة نضيفة

عيشة عفيفة .. آخرة دا الصبر

كل منانا يا بلادنا أمانة

لمي ولادك ...دانتي حمانا

عشة فحضنك .....

ولا غربة يـمّا بميت قصر



أستاذ طارق

نستسمحك بهذا الاقتباس

tarek momen يقول...

هبة النيل
شرفتيني بهذا الكلام الموزون ذو المعاني الجميلةارجو لك التوفيق واراك شاعرة كبيرة ان شاء الله
تحياتي

سبهللة يقول...

اما احنا فلنا رب اسمه الكريم و لن ينسانا و مش هانبات من غير عشا
انت صح
لأ وكمان هانخلف تانى وتالت وسادس وربنا يدينا الصحة من عنده مش من عند دوكهمة
تحياتى
اشكرك على رأيك اللى عندى

Che_wildwing يقول...

سيدي الفاضل
إذا كنت توجه لهم الدعوة بتحكيم عقولهم
فهم بالفعل قاموا بذلك
حكموا عقلهم وشغلوا مخهم
كلوا كلهم
وشربوا كلهم
واتعلموا كلهم
وارتاحوا كلهم

Foxology يقول...

يا استاذ طارق ردا على سؤالك ...

نحكم عقلنا .. نهاجر كلنا .. من غير ما نغرق كلنا :))

دى كانت تيمة كدة نزلت كاريكاتير تريقة على الأعلانات المذكورة :))

تحياتى :)

Hedaya Al Haj يقول...

مش حيكون هذا كله الا طريقة لحصولهم على عشاء فاخر مقابل شعورنا الوهمي بأنا ثقّلنا فيه..

تحيتي\\