الأحد، 6 يوليو 2008

بالتقسيط

طالعت في الصحف اليوم اخبار المعركة التي دارت باحدي قري القليوبية وتسمي عزبة الكلاف واسفرت عن سقوط 12 قتيل 26 مصاب
والحكاية باختصار عبارة عن محاولة فرض نفوذ لاحد العائلات بالعزبة علي باقي السكان فتصدت لها عائلة اخري مما تسبب بالمعركة
الغريب هو كمية الأسلحة المستخدمة و توافر الذخيرة لدي المتصارعين
ومن مدة قريبة كان هناك حادثة مماثلة لمحاولة السيطرة علي اراضي متنازع عليها بين جمعيتين للاسكان وايضا اسفر عن عدد كبير من القتلي
ما حدث يؤيد شكوك كانت تساورني منذ فترة انه في حالة استمرار هذا النظام المهلهل الذي لا يعنيه سوي سرقة البلد وتوظيف الداخلية للمحافظة علي امنه و امانه وعدم الأهتمام بالوطن و لا المواطن
ان بلدنا سوف تتحول مع الوقت الي كانتونات او جزر منعزلة لكل منطقة كبيرها وصاحب النفوذ فيها
حاجة كدة زي فتوات الحسينية في قصص نجيب محفوظ
وعلي الشعب المطحون ان يدفع الأتاوات للسادة الفتوات لكي يوفروا له الأمن واذا كان له مظلمه يقوموا بارساء العدل من وجهة نظرهم طبعا
زد علي ذلك انهم سوف يقوموا بفرض رسم مرور علي المناطق التي تخضع لنفوذهم وكل ذلك لاضمحلال دور الدولة
يعني لو عايز ازور اهلي في القاهرة افع اتاوة لفتوة مدينه السلام ثم فتوة الألف مسكن ثم فتوة روكسي واعتقد ان ده هايكون حنين شوية وهكذا
ثم ان كل واحد هايكون مطالب بحماية اسرته ضد اللصوص والهجامين
فلكل هذه الأسباب وبما ان السلاح متوفر وكذلك الذخيرة ....ماحدش يدلني علي مكان اشتري منه بندقية 7.62*39 والذخيرة بتاعتها لزوم حماية اسرتي و اذا امكن فرض نفوذي علي منطقتي؟؟؟؟؟ مش انا برضه اولي
ملحوظة:ياريت البندقية تكون بالتقسيط علشان الحالة المادية مش متيسرة
ملحوظة تانية : ياريت الموديل اللي ذكرته علشان هو ده اللي اتمرنت عليه اثناء خدمتي العسكرية لما كنت مجند في الجيش المصري
واخيرا دمتم سالمين وعمار يا مصر

هناك 9 تعليقات:

Ahmed Mohamed يقول...

ياعم انت سرحررررررررت ورحت فين
فتوات ايه بس
............
متعرفش فين الحيقيقه ومش هفتي واقولك انا عارفها
بس الي اعرفه ان قوات الامن رفضت التدخل مع ان المعركه علي حد قولك استمرت 4 سعات تقريبا حسب ما سمعت
يعني بالبلدي كده..خلوص علي بعض واحنا نيجي نلم الجثث
.......
وعمار يا اوكرانيا

Foxology يقول...

الموضوع ده يا استاذ طارق فكرنى بمرة كنت راكب مع سواق تاكسى من احد قرى الشرقية وجت سيرة (عزت حنفى) والسواق قاللى على فكرة مصر فيها اكتر من مية واحد من عينة (عزت حنفى) وان فى بلاد فى الوجه البحرى والقبلى الجيش نفسه ميعرفش يدخلها من التحصينات والأسلحة اللى موجودة فيها وقاللى على اسماء عائلات متحكمة فى البلاد دى وتعتبر هى الحكام الشرعيين للمناطق دى !!!

الدين لله والوطن عليه العوض زى ما اتقال فى الدستور قبل كدة

تحياتى :)

tarek momen يقول...

احمد
والله شوقتيني اروح اشوف اوكرانيا
فوكس الحكيم
سواق التاكسي عنده حق وربنا يستر علي البلد و ما نبقاش زي لبنان

ابراهيم يقول...

ناسف لعدم تحقيق رغبتك في بندقيتكم حيث انها كانت من الخردة الروسية ايام حرب 67-و73- وبما ننا في الحقبة الامريكية فننصحكم بشراء الموديل الامريكي الجديد الذي يوزع في كل البلاد العربية
ادعوك لزيارة مدونتي واتمني التواصل الدائم بيننا

Mohamed Dawod يقول...

مع الأسف يا أستاذ طارق ان الظاهر مصر مقبله على فتره سودا الناس فيها حتعيش بدراعهالان الشرطه المصريه (حماة الأمن وأبطال الوطن والشرطه فى خدمة الشعب) مشغولين بأشياء أخرى....تحياتى وشكرا

Mohamed Dawod يقول...
أزال المؤلف هذا التعليق.
على باب الله يقول...

فعلاً موضوع خطير جداً .. الأسلحة و البلطجة أنتشرت بشكل وحش .. و الواحد مش شايف أن الحكومة لها لزمة

بصراحة الشرطة كلها مالهاش لزمة .. أنا واحد قال لي .. البوليس مش بيقبض إلا علي الغلابة .. زي الضرايب كده .. اللي ما بيدفعهاش إلا الفقرا

----

همس يقول...

اييييييييييييييه دنيا

بص هيا الحكومة هتتنيل تدخل ليه

اولا دول جبناااااااااء ومعوقين دول حاولو ينظمو طابو عيش ةوفشلو

ثانيا جتلها فرصه تخلص على كام نفر من الشعب من غير اى تكلفه وتلاقيها بتدعى علينا احنا كمان


اما بخصوص البندقيه الحمد لله واخده اعفى من الجيش اصلا


وتعالى باه انا هقلدك وابقى المسيطره على المنطقه واستهلو السيفو وارسل
من يستعلم الاخبار عن الاعداء
لانى ارى رؤسا قد اينعت وحان ضربها واللعب بيها كوره


يلا نتقابل فى اجتماعة المسيطرين

سلامو عليكم

هبة النيـــــل يقول...

أستاذ طارق

زمان كان هناك يافطة على باب القسم مكتوب عليها عبارة مشهورة "الشرطة في خدمة الشعب" حتى أن السيدة كريمة مختار رددتها على انها "مثل شعبي" في مسرحية العيال كبرت

لكن مما لفت نظري أن هذه العبارة تم تغييرها وأصبح مكتوب "الشرطة والشعب في خدمة الوطن"!!!!!

توقفت كثيرا أمام كلمة الوطن ولكن لكي أفهمها وتفهمها عليك بمشاهدة الفيلم الأجنبي ثلاثي ابلأبعاد "Ant Z"

أو "النملة زد" مع أني لن أستبعد أنك رأيته وربما حللته نفس التحليل