الجمعة، 31 أكتوبر 2014

تابع نقد

استكمالا لما قبله قلنا ان عماد الجيش هم المجندين من شباب المصريين  اللي بيتغيرو كل سنة محموعة تنهي خدمتها و مجموعة جديدة تدخل
فلما سعادتك تقول خير اجناد الارض يبقي المقصود عموم الشعب المصري و ليس فقط الجيش المصري
لانه مش معقول لما ادخل الجيش ابقي خير اجناد و بعدين اخلص خدمتي ابقي اي حاجة و بعدين ييجي لي استدعاء ارجع خبر اجناد هههههههه
و من الملاحظات الغريبة ان الاعلام دايما يتكلم عن الجيش كانه كيان منفصل عن الشعب رغم ان الجيش جزء من كل
يعني ماينفعش اقول مصر جيشا و شعبا بلابلابلا..... لكن اقول شعب مصر بجيشه بشرطته بقلاحيه وكل اطيافه بلابلابلا.........
نيجي بقي للطبقة المحترفة..يعني اللي شغلتها و اكل عيشها انهم ضباط بالجيش المصري
فدول في الاخر مصريين من ارض مصر و ترابها و عايشين برضه في وسط ناسها بيعانوا من كل اللي بيعاني منه المواطن المصري و فيهم برضه عيوب كل مواطن مصري
سيبك من كلام ان الجيش اكثر مؤسسة منضبطة
الكلام ده بيتقال علشان الجيش الاوامر فيه واجبة النفاذ حتي لو كانت غلط..وبالنسبة لنا هو ده الانضباط
لكن جوه الجيش هاتلاقي وسايط و مجاملات و مايمنعش فساد ورشاوي زيه زي اي مؤسسة في بلدنا و ماتتحمقوش قوي و تقولوا مش ممكن
هاحكي لكم حكاية في البوست اللي جاي عشتها بنفسي

هناك 7 تعليقات:

م م يقول...

كلامك سليم جدا ومنطقي ولو ان تفسيري لعبارة خير اجناد الارض ان صحت اصلا ، انهم خير اجناد الارض ساعة الحرب مش ساعة صنع المكرونة ، وساعة الحرب تعني ساعة الحرب العادلة، يعني مثلا مثلا والعياذ بالله لو حصل وحاربنا في صف اسرائيل هنبقى ساعتها خير " ولاد الكلب " مع الاعتذار طبعا.
تقبل التحية

Unknown يقول...

كما قال م م
إن صحت المقولة
فالبتأكيد القصد منها
انهم خير اجناد الأرض
فى وقت الحــــرب وضد
العدو الصحيح .

Unknown يقول...

اول مرة أعرف
ان عندك مدونة
استــــــــاذ طارق
(مخبيها عننا ليـــه؟ :)

tarek momen يقول...

دكتور نور
شرفتيني بالزيارة..انا مش مخبيها و لا حاجة ..انا مدوناتي قديم من 2008 بس مواضيعي مش بتعجبكل الناس

Unknown يقول...

أين الجديد
يا استاذ طارق

Unknown يقول...



thx

شركه تنظيف

almthalia يقول...


شركة تنظيف مسابح بالخبر
شركة صيانة مسابح بالخبر
شركة تنظيف كنب بالخبر

شركة تنظيف بالخبر
شركة تنظيف شقق بالخبر