الأربعاء، 14 يناير، 2009

خبر عاجل

افاد مراسلنا بالشرقية و اكنافها ان سعر انبوبة الغاز وصل 12 جنيه و غير متوافرة بالمرة والسعر في ازدياد وقد يصل الي 20 جنيه
اللي موصلين غاز طبيعي يحمدوا ربنا حاليا
ماحدش عارف بكرة فيه ايه
بالمناسبة ماحدش غتت يسال هو الغاز بتاعنا بيروح فين

هناك 12 تعليقًا:

لقد خلقنا الله احرارا يقول...

لا هنسأل ونقول الغاز بتاعنا فين ماهو الناس متهيألى ساكتة بس لما هتقوم هتقضى على الاخضر واليابس زمان كانوا بيقولو ان الحكومة بتشغلنا بلقمة العيش عن الكلام فى السياسةلكن دلوقت الحكاية زادت عن حدها اوى ربنا يستر على بلدنا

لقد خلقنا الله احرارا يقول...

ايه ده هوانا طلعت الغتت كده ما كنتش مركزة اول مرة عموما الغتاتة شرف فى الاحوال دى

Foxology يقول...

ازمة كل شتاء

الغاز بيروح فين ؟ معروفة طبعا

tarek momen يقول...

بنيتي حفيدة عرابي
شرفتيني بالتعليق
ملحوظتي هي استفزاز لكل متابع ليكون غتت في هذا الموضوع و انا اول الغتتين

صديقي القديم فوكس الحكيم
فينك البرد خلاك تستخبي
شكرا علي الأيميل الظريف

شمس النهار يقول...

ايه ده ياحج ده بنتي في مدينة نصر غيرها لها البواب من الرجل اللي علي عربيه وبيدور في الشارع ب20 جنيه
بس هنقول ايه
حسبي الله ونعم الوكيل
وبيقولوا ان الازمه دي مفتعله وان الانابيب متوفره في مراكز التوزيع بالسعر الحكومي
هي فين مراكز التوزيع دي
وفين بتوع الضبطيه مابيضبطوش الناس دي ليه

tarek momen يقول...

صديقتي شمس النهار
هي الأزمة وصلت مدينة نصر
ربنا يعينكم
علي فكرة مراكز التوزيع متوافرة
بس انتي اخطفي رجلك لتل ابيب او يافا هتلاقي الأنابيب علي قفا من يشيل من اجود انواع الغاز المصري وبارخص الأسعار
ماهو المال السايب يعلم السرقة
تحياتي

mostafa rayan يقول...

سلام عليكم
بس بردو سعر الغاز غالي
لما يكون قيمة الاستهلاك 3 جنيه والمطلوب سداده 7 ويقولك 4 ضرايب يبقي لا مؤاخذة منتهي السرقة
يعني كدة اوكدة بنتسرق لك كل التحية

رابطة هويتي اسلامية يقول...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

Tamer Alhosiny يقول...

لا هو محدش غتت هيسئل السؤال ده
لان كل الغتتين عارفين الاجابة مسبقا
وعارفين كمان ان في ناس غتتة رفعوا قضية لوقف تصديره
وفي محكمة غتتة وافقة علي وقف التصدير

وان في دول غتته زي روسيا غتت علي اوكرانيا علشان السعر قليل
وغتتاة منها وقفت التصدير

انما عندنا الدنيا تمام
والغتتتين يمتنعون
وعلي راي عمر اديب
مصر
فلة شمعة منورة

GHARAM يقول...

طيب

هو الغاز بتاعنا بيروح فين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

همس يقول...

والله ما حد غتت الا ولاد الجزم اللى مشحتينه لاسرائيل

الله يولع بيهم كلهم


ما علينا انا جيت امسى بس

واسلم يا باباتى

عمرو يقول...

فى 6 أكتوبر الأنبوبه وصلت ل 25 جنيه يعنى بالذمه ده يرضى ربنا سبحانه و تعالى ؟؟