الخميس، 21 أغسطس، 2008

استقالة

تعجبت عندما قرات خبرا عن استقالة الرئيس الباكستاني برويز مشرف
وسبب التعجب ان هذا الرجل استولي علي الحكم بانقلاب عسكري
بدراعه يعني وبحنكته ودهاءه فالأنقلابات تحتاج لذلك ربما اكثر من الأنتخابات
المهم مالذي يدعوه لترك السلطة و الهيلمان بمزاجه ؟؟؟؟؟
لا اظن ان الضغوط التي كان يواجهها من القادة الشعبيين كانت تؤرقه
فما يقلق السلطان هو القوة فقط يعني الجيش و الجيش تبعه
نعود للسؤال مرة اخري لعل و عسي نجد اجابة
تري هل ترك السلطة لأنه احس ان الناس قرفانة منه وهو عنده دم و حسيس ففضل الأستقالة!!!!
ام ان السبب انه يحب بلاده الباكستان و راي ان مصلحة البلد تقتضي ان يستقيل... راجل وطني!!!!
ام انه احس ان نهايته قربت ففضل ان تيجي منه قبل ما تيجي بالغصب عنه!!!!!!
ام انه راجل مغفل!!! استبعد هذا السبب
رجاء من الأخوة والأخوات المساهمه معي في تبين السبب الحقيقي
وممكن نعتبرها فزورة من فوازير رمضان
كل عام و انتم بخير جميعا اعاده الله عليكم و علي الأمتين العربية و الأسلامية بالخير و اليمن و البركات

هناك 7 تعليقات:

شمس النهار يقول...

اظن ان الرجل المغوار خاف علي نفسه وعلي امواله اللي كنزها وقال اهرب بجلدي قبل مايغتالوني واخسر كل حاجه وبالمره ابقي عملتها بمذاجي واخد بنط علي قفا البكستانيين عشان كمان لما يحب يرجع يرجع ماهي ميغه الاصحيح هم البكستانيين دول عالم نمره كام

Foxology يقول...

الحل ..

حس ان نهايته قربت فقال استقيل بمزاجى بدل ما اضرب بالجزمة ( سورى يعنى ) لأن فى الفترة الأخيرة الضغوط الدولية زادت عليه اوى خصوصا من امريكا اللى كانت حليفة زمان دلوقتى بقت بتنتقد احوال سياسية واجتماعية فى الباكستان يمكن محدش لاحظ الموضوع ده

الراجل طلع ذكى وانا احيى ذكاءه الحقيقة لأنه حفظ ماء وجهه واخد نقطة لصالحه من الشعب الباكستانى ومن المجتمع الدولى نقطة احترام مش اكتر

ده رأيى الشخصى يمكن صح ويمكن غلط :)

تحياتى :)

tamer.sala7 يقول...

انا بقي عندي اقتراح تاني

يعني ممكن يكون حصله تخمة من كتر الاكل الحرام وقال لنفسه انا حصرف الفلوس امتي مع الضغوط اللي حاصلة في بلاده شاف ان ده الوقت المناسب انه يخلع بالفلوس ويطلب لجؤ سياسي لأي بلد ويتمتع بالفلوس وهو عايش

tamer.sala7 يقول...

عقبالك يا رخم يا اللي في بالي

همس يقول...

لالا

انا حاسه يا خويا ان الراجل دا معملو عمل عند الشيخ ابو سحلول

انا سمعت ان سره باتع اوى

بس متتعبوش نفسكم ت

هو انا سبقتكم علشان اعمل عمل للمتحنط اللى عندنا

لقيت انه كرش النفس الاخير اللى فاضل فى مناخيره


دا الخبر اللى بقولوه للاخبار

انما انت يا استاذ طارق علشان عزيز عليا

هقل وبكل تواضع

انا اخدت المثل اللى بيقول اضرب المربوط يخاف السايب

انا بنفسى روحت لمشرف وقلتلو خدها من قصرها واخلع بدل ما ابهدلك
وعلشان اخوف مبارك
اهو برضو مش عايزة التاريخ يذكر انى بهدلته برضو سمعت ناس

ولا انت مش معايا

يلا حصل خير

واهو انا بعمل اللى عليا


وكل سنه وانت طيب

هبة النيــل يقول...

دا راجل عنده احساس يا فندم

لي عودة

tarek momen يقول...

شمس وفوكس و تامر
الحقيقة ان الطماع لا يكتفي ابدا من كنز المال
ولكن كما تقولون ربما قال ياروح ما بعدك روح و الروح اغلي من المال
ربما
الشيخة همس
بركاتك ياستي
والله لو نفع العمل بتاعك لأعملك مقام علي حسابي واقيدلك كل يوم شمعة
الصديقة هبة النيل
اعتقد ان هذه الفئة من الناس ليس لديهم احساس و لكن للسلطة حسابات اخري