الأحد، 10 أغسطس، 2008

زمن الأحتكار

يبدو اننا نعيش في حقبة الأحتكار او الأحتقار !!
ماتفرقش و الا بالله عليكم ما تفسير ان يقوم نادي القيم و المبادئ الشهير بالنادي الأهلي
يقوم بمنع اذاعة مباراته في الدوري المصري دونما النظر الي انها المتعة الرخيصة المتبقية للملايين من مشجعيه من الشعب المصري المطحون الذي لديه الأستعداد ان ينسي همومه و مشاكله و اكل العيال و ملابسهم خلال دقائق يقضبها امام شاشة التليفزيون ليشاهد المباراة
ثم يقضي بعدها ساعات و ايام في مناقشات حول روعة الأداء و مهارة المدرب و الشماتة في مشجعي الخصم
لماذا نلوم كبار المحتكرين اذا كان حتي النادي الرياضي يحتقر المشجعين بينما هؤلاء الناس البسطاء هم الذين يعطونه الشهرة و الجماهيرية
قد يظن البعض اني اعترض لكوني اشجع نادي الزمالك الخصم اللدود
ولكني علي ثقة ان الخطوة القادمة للزمالك ان يقلد الأهلي فيما فعله
والخوف انه في المستقبل يقوم فريق ابناء الحي بمنعي من مشاهدة مبارياتهم من البلكونة لأنهم باعوها لشبكة a.r.t

هناك 10 تعليقات:

Foxology يقول...

ههههههههههههههههههههههههههههههههه

والله يا استاذ طارق مش بعيد يحصل كدة بجد مع فريق المنطقة :))

وكان الله فى العون يا استاذ طارق انا زملكاوى برضه بس الحمد لله بقيت بطنش لأى ماتش كورة حتى لو كان منتخب البرازيل ومنتخب تفهنا الأشراف :))

كفاية حرقة دم ولا ايه ؟؟

تحياتى :)

هبة النيــل يقول...

أستاذ طارق

بجد بجد ربنا يكرمك

أحترم عقلك المفكر الفيلسوف

ربط الأشياء التي أراها كلها منفدة على بعض فعلا

أسعد بقراءة أفكارك يا فندم

دمت مفكرا

سمر الشافعى يقول...

والله يااستاذ طارق رغم انى مليش فالكوره ومش فاهمه حاجه بس يعنى ماكل الناس عندها دش او وصله مايشوفو الماتشات على قناه الاهلى وخلاص

عاشقة القمر يقول...

سلام عليكم انا مليش في الكره بس بشوف الكره في مصر حلو فيها ناس بتلم كلهم مع بعضش انت فيان بطلت تزوراني

زئير الحب يقول...

السلام عليكم ... أتعجبت لما شوفت البوست ... مكنتش متوقع ان حاجة بسيطة زي ديه محدش خد باله منها .. أنت كتبت عنها.
بس تصدق ان الموقف ده أزعجني بجد ... لما واحد يطلب 2 مليون في ازاعة ماتش ليههههههههههههههه

ههههههههههههه
دا لو هيلم حق التذاكر ويدفعها مش هتكمل ههههه

تحياتي

شمس النهار يقول...

يعني كاملين من كله جت علي دي

سبهللة يقول...

أستاذ طارق
احنا بقينا فى زمن لا يعرف سوى لغة الاوراق الماليه
وكل شىء يهون فى سبيل حفنة من المال

شمس النهار يقول...

انت فين والدنيا هايصه كده علي النت انت ماحدش قالك علي الحريقه

همس يقول...

تحليل جامد بجد

كلام بسيط بس فى الجون

وبتجيب من الاخر يا استاذ طارق


تحياتى

funckydoctor يقول...

الإحتكار فعلا وصل لكل حاجة
بس موضوع القناة ده طلع التليفزيون ظالم فيه الأهلى
بس فعلا مين يعلم بكرة فيه ايه :s