الأحد، 6 أبريل، 2008

اضراب

النهار ده 6 ابريل لم اذهب للعمل من ناحية تضامنا مع دعوة الأضراب العام و من ناحية علشان استنفذ رصيد اجازاتي لأن الشركة ترفض ترحيل الأجازات او صرف بدل نقدي و بالمرة كان عندي شوية اصلاحات في البيت يعني ضربت ثلاثة عصافير بحجر واحد
يمكن تصرفي فيه شئ من الميكيافيللية يعني الغاية تبرر الوسيلة لكن ضميري مستريح حاسس اني شاركت بشئ صغير جدا رغم الأخبار اللي زي الزفت عن الوضع في مدينة المحلة ربنا يفرجها علي الشعب المصري ان شاء الله
ماهو المثل بيقول اسعي ياعبد و انا اسعي معاك
طيب الحمد لله الناس ابتدت تسعي للتغيير ان شاء الله ربنا هايكلل تضحياتهم بالنجاح في التغيير
وزي عنوان المدونة عند نوارة ما بيقول
الحرية لمن يحملون رؤوسهم علي اكفهم
الناس في المحلة مش متاخرة و لابد للقيد ان ينكسر

ليست هناك تعليقات: