السبت، 14 أبريل 2012

صورة

اتحفنا المجلس العسكري بصوزة دعائية افتكستها ادارة الشئون المعنوية॥علي ما اظن॥
الصورة المنتشرة تقريبا في كل مكان علي ارض المحروسة من الطرق السريعة لمداخل المعسكرات و علي جوانب المدرعات المتمركزة في مداخل المدن تمثل جندي شاك لبسلاح يرتدي خوذة القتال و يتدلي علي جانبه رشاش و يحمل بين يديه طفل صغير وينظر اليه بمنتهي الحنية
و اسفل الصورة مكتوب الجيش و الشعب ايد و احدة و هي العبارة التي اطلقها الثوار في بداية الثورة عند اول ظهور لمدرعات الجبش في الميادين
وطبعا المدلول للصورة مش عاجبني لاتهم تعمدوا تمثيل الشعب بالطقل و طبعا الطفل مش عارف مصلحنه علشان لسه صغير و عمو العسكري هاياخد باله منه و يجيب له حاجات حلوة و مصاصة كمان
لا يا عمو العسكري الشعب كبير و كبير قوي و اكبر منك انت شخصيا و احترم نفسك بقي!!!!!!!!
مع احترامي لكل اصدقائي العسكرييين

هناك تعليق واحد:

Foxology يقول...

تفسير جميل جدا يا أستاذ طارق ... عاوز أقول لحضرتك ان البوسترات دى نالت حظ وفير جداااا من السخرية منقطعة النظير من الشعب وركاب المواصلات العامة بشكل كبير

تحياتى ويسقط حكم العسكر