السبت، 3 ديسمبر 2011

انتخابيات 5

كنت عائد الي مدينتي بعد زيارة الي القاهرة و امام مدينة الشروق لمحت سيدة منفبة علي جانب الطريق تشير للسيارات العابرة ..غالبت ترددي و خوفي و توقفت لها سالتني :ممكن اركب لغاية العاشر
اجبتها : اتفضلي
ركبت في المقعدالخلفي و هي تشكرني وانطلقت بالسيارة و بعد لحظات من الصمت الثقيل قررت ان اكسر حاجز السكوت فسالتها :انتي داخلة المدينة و اللا هاتنزلي علي الطريق
اجابت هانزل عند تقاطع طريق بلبيس
فسالتها انتي ساكنة في بلبيس اجابت ايوة
وهنا انتقلت للسؤال الذي احرجم عليه انتي هاتشتركي في الانتخابات
اجابت هو صحيح فيه عرامة 500 جنيه
اجبتها ايوة بس المفروض بننتخب علشان ده واجب علينا مش علشان خايفين من الغرامة
ردت ::ايوة طبعا بس انا مش عارفة حد من المرشحين
سالتها تعرفي الاحزاب
ردت عارفة حزب الاخوان بس صحيح لو كسبوا هايخلوا الستات تقعد في البيت و ماتخرجش..اصل انا باشتغل و باصرف علي عيال
اجبتها :ماعتقدش الاخوان كده يمكن السلفيين
ردت انا عارفة السلفيين متشددين
رفعت حاجب الدهشةمن هذه المقولة الصادرة عن منقية!!!!!!
قلت لها لا الاخوان معقولين شويةو فيه برضه احزابتانية كويسة بس انتي اسالي و شوفي الدعايات اللي في بلدكم
قات ان شاء الله ربنا يولي علينا من يصلح و هنا كنا وصلنا لتقاطع طريق بلبيس فنزلت و هي تشكرني مرة اخري

هناك تعليقان (2):

faroukfahmy يقول...

انا اتساءل هل حقا غرامة ال500 جنيه ستنفذ ام مجرد تهديد للمتخلفين
كنت اتوقع ان يكون العكس صحيحا بان يجازى الناخب ولو باشارة تكريم ولا يجزى عليه فى حالة التخلف
قصة ذات سلاسة ومغزى نهنئك عليها
الفاروق

faroukfahmy يقول...
أزال المؤلف هذا التعليق.