الخميس، 26 أغسطس، 2010

تليفزيون


لي طقوس معينة اتبعها في رمضان منها ان امتنع عن التدخين تماما واعتبرها راحة لصدري من النيكوتين كما امتنع عن مشاهدة برامج التليفزيون و اعتبرها راحة لعقلي وخاصة ان السفه يزداد بنسبة اعلي في البرامج خلال الشهر الكريم
لكن ما قراته من تعليقات في المدونات عن مسلسل الجماعة دفعني للبحث عن مواعيد اذاعة المسلسل و محاولة تتبعه
وحتي الان شاهدت حوالي اربعة حلقات علي قناة النيل للدراما
خرجت منه باحتمالين لا ثالث لهما
اما ان وزارة الاعلام برياسة الفقي اصبحت علي قدر عالي من النزاهة و الحيادية لتصور الأخوان بهذه الصورة الجيدة وهو احتمال مستبعد جدا
واما انها (وزارة الاعلام) حاولت ان تستخدم جهاز التليفزيون لتشويه صورة الأخوان فانقلب السحر علي الساحر مثل الذي يمسك مسدس لا يجيد استخدامه ليضرب غريمه فيوجه فوهة المسدس لنفسه
هل ممكن ان يتدارك المسئولون الموضوع بايقاف المسلسل قبل ان تخرج الناس في مظاهرات مطالبة بتولي الأخوان الحكم بدلا من الحزب الأزلي الذي يحكمنا حاليا؟؟؟؟؟

هناك 3 تعليقات:

Foxology يقول...

المشكلة يا استاذ طارق ان المسلسل (( ســاذج )) جداااااااااااا

لا دول الاخوان اللى الواحد يعرفهم اللى مصلحتهم الاسلام (( عن احتكاك شخصى فى الجامعة لمدة 5 سنوات ))

ولا دول رجال امن الدولة الطيبين اللى بيتعاملو بمنتهى الانسانية مع المتهمين !!

المسلسل فضح وكشف الحكومة متمثلة فى وزارة الاعلام لانهم حاولو يتعاملوا مع المتفرجين بمبدأ الصحف القومية

تحياتى ورمضان كريم

شمس النهار يقول...

الموضوع ياحاج
ان اللي كاتب المسلسل اصلا معروف اتجاهه العلماني
كمان هو راجع لمراجع وذاكر حقائق وعارف انه هيترفع عليه مليون قضيه
ودول الاخوان مش لعبه
كمان المسلسل مع احترامي ليك
فيه لوي كتير للحقائق وخصوصا في الحلقات الاولي الخاصه بعرض واضراب الجامع
وده شي الناس اللي كانوا فيه لسه موجودين

كمان اظهار امن الدولة لطاف جمال
وانت سيد العارفين الاخوان اتعمل وبيتعمل فيهم ايه

والله يرحم الجميع
بس تصدق كنت مستنيه بوستك ده عن المسلسل
وكنت مستغربه جدا انك ماكتبتش عنه ليه لحد دلوقتي

بس عايزة الفت نظرك ان اخوان الان غير اخوان الامس

اخوان اليوم لايفرقوا عن كل طامع في الحكم
واهو الدين واجهه حلوة برضه
مابقاش في حد بيحب مصر لوجهه الله
كله عايز حته من التورته

رمضااان كريم ياحاج

قلــ"بـــلال"ــــــب فارس يقول...

اولا رمضان كريم
وعقبال لما تنتهى من التدخين طول السنين
ثانيا المسلسل غير واقعى ومن محضر خيال الكاتب