الخميس، 4 فبراير 2010

زي ما قال الريس

عبارة سمعتها في تسجيل فيديو بمدونة نوارة نجم لأحتفالية بالفريق القومي علي راسها نجل الرئيس الذي كان يقفز هاتفا "منتخب مصر كويس.. زي ما قال الريس
ورغم اني تابعت الأحتفالات الشعبية في انحاء مصر علي الفضائيات لم اري احد يهتف هذا الهتاف صحيح بعض الجماهير عند التسجيل معهم كانوا يقومون باهداء الفوز للسيد الرئيس و لكن هذا الهتاف كان خاصا باحتفالية النجل فقط و اتضح لي انه مذاع علي قناة العيشة السودة في برنامج يقدمه مذيع الفضائح
وهكذا اتضحت اللعبة مرة اخري نعود للربط بين انتصارات الكورة و العائلة الحاكمة و من هذا المنطلق ادعو شعب مصر الكروي المتعطش للانتصارات و كسر شوكة اعدءنا الكاميرونيين و الكوتديفواريين و ايضا الجزائريين.. ادعوهم لأعادة انتخاب السيد الرئيس و اذا حدث ما يمنع فلينتخبوا ابن الرئيس ثم حفيد الرئيس و هكذا يضمنوا عدم خروج كأس افريقيا من مصر
و لا استبعد ان يكون الأنتصار علي اسرائيل ات لا محالة اقصد كرويا علشان ماحدش يفهمني غلط

هناك 10 تعليقات:

حفيدة عرابى يقول...

لا أنا نفسى أفهم غلط

شمس النهار يقول...

::)))))))))))))))))))))))))

فهمين صح طبعا

علشان احنا المصريين انتصرنا فعلا علي اسرائيل
وكشحهناهم من سيناء
اه والله

وبورسعيد رجعت وشرم الشيخ وطابا ايه ياحاج انت ناسي ولا ايه

نقول عقبال ماتتكشح من الجولان في سوريا وكذلك من فلسطين

سلامي

Foxology يقول...

ايوة طبعا محنا عايشين بنفسه مهو الكبير برضه

حاجة تفقع والله يا استاذ طارق

adonees يقول...

طارق مرحبا ياسيدي الفاضل
وجدت ايميلك على مدونتي الاخرى مدونة سمارت واضفتك على المسنجر
ارجو ان لااكون قد سببت لك اي ازعاج
على كل انا اتواجد حاليا بعد العاشره ليلا بتوقيت اوروبا لو احببت التواصل معي فانا بامرك

ملاحظه
اود التعقيب على تعليق شمس النهار

نريد سلاما مع اسرائيل وليس حربا
وما المانع من التعايش السلمي بين البشر ؟؟؟؟

تحية لك ياطارق ومحبه

tarek momen يقول...

حفيدة عرابي
الشعب اصبح همه الأول هو الكورة فقط عندك فكرة ان اسطوانة الغاز وصلت 20 او 30 جنيه
شمس النهار
ايوة انتصرنا و ايوة كشحناهم
بس الحاصل دلوقتي انهم في كل حتة في سيناء و في بعض الأماكن ممنوع دخول المصريين و مسموح لهم يعني احنا انكشحنا تاني من سينا
فوكس الحكيم
سيبك انت
انت عريس جديد
ركز
الصديق ادونيس
كلنا نريد سلاما ولكن علي اساس اعادة الحقوق المسلوبة
اشكر لك تشريفي بالتعليق

فشكووول يقول...

السلام عليكم طارق بك
تحياتى

انا من منبرى هذا احيى واسلم وابايع وانادى بالرئيس ونجل الرئيس وعائلة الرئيس رئيسا مدى الحياه .. عشان ما فيش فى البلد دى اى ناس بتفهم ولا بتعرف ولا فيها وطنيه اكتر من الجماعه دول والدليل على كلامى اكوام الزباله والفقر المدقع الذى يعيش فيه نصف الشعب المصرى والحزن والغم والهم واللى ما يتلم .. تيجى بينا نروح نبيع الترماى ولا ميدان العتبه الخضراء وايه رأيه اصل احنا ما بنعرفش نتحكم الا من البلاوى دى كلها

هبة النيـــــل يقول...

وانا بردو فهمت صح جدا

أستاذنا العزيز طارق مؤمن


سلمت ودام قلمك

وفكرك

حفيدة عرابى يقول...

أين أنت ياحكيم البلوجر
لعل المانع خير

م/ الحسيني لزومي يقول...

مبارك وابنه وان ابنه هم احسن الحكام لهذا الشعب الخانع

sal يقول...

تحياتى
ان شاء الله تكون بخير