الأربعاء، 22 يوليو 2009

ابو جبل

عنوان غريب مش كده
ابو جبل لمن لا يعلم هو وزير داخليتنا المحلي
باختصار انا اقيم في مدينة جديدة بها العديد من المصانع ويحيط بها مناطق صحراوية
في احد الأيام كنت اجلس مع مدير امن الشركةعلي البوابة الرئيسية للمصنع
ليمر علينا شخص اعرابي ويتحدث مع زميلي ثم انصرف
فسالته عن هذا الشخص ليجيبني انه ابو جبل قد حضر ليقبض الشهرية
فبينت له ان الأجابة غير وافية واني مش فاهم
فقال هذا الرجل موجود بالمنطقة قبل انشاء المصانع و عند انشاء مصنع جديد يتفق مع اصحابه علي تامينه و اذا رفضوا يتعرض المصنع للسرقة رغم وجود افراد الأمن
وقد حدث هذا عندما تم تعيين فرد امن جديد لدينا و حضر ابو جبل للمرور علي المصنع ليلا
فاوقفه فرد الأمن وكانت النتيجة انه اكل علقة محترمة من ابو جبل و اعوانه
وعندما سالت مدير امن الشركة
طيب و البوليس لازمته ايه؟؟؟
ضحك ضحكة ذات مغزي
حد عارف المغزي؟؟؟؟

هناك 6 تعليقات:

حفيدة عرابى يقول...

المغزى من ايه؟
من العبث؟
المغزى من ان ربنا سبحانه وتعالى كتب لنا نعيش ونشوف الدولة اللى هي الدولة بتنهار

Tamer Alhosiny يقول...

عزيزي عابر السبيل
انا قابلني موقف زي ده قبل كدة
كنت براجع حسابات شركة
ولاقيت مبلغ مدفوع 4000 جنيه بلا ايصال او استلام او ضريبة
وطبعا لما سئلت سمعت عن السيد ابو جبل ده
بس كان باسم تاني
انت عارف الجبال كتير في مصر
والرمال نايمة في العسل

تحياتي
تامر الحسيني

صيدلانيه طالعه نازله يقول...

يا ابنى البلد مليانه منعينه ابو جبل و اعوانه اللى عايشين على الاتاوات و لوى الدراع و الجبايه
الموقف عادى و مش غريب و بيمر بيه حاليا كل ملاك الاراضى فى مشروع ابنى بيتك فى مختلف انحاء الجمهوريه لان الصحرا مليانه من الزباله دى كتير

سبهللة يقول...

ما انا قلت من زمان
احنا فى عصر فتوات الحسينية

tarek momen يقول...

الصديقة حفيدة عرابي
الدولة انهارت من زمان و لم يبقي لنا الا البكاء علي الأطلال

الصديق تامر الحسيني
طب ماعرفتش ابو جبل بتاعكم اسمه ايه
ابو هضبة مثلا
شرفتني بالزيارة
تحياتي
الصديقة صيدلانية طالعة نازلة
نورتيني
بس حكاية!!! يابني!!!
اللي ابتديتي بيها التعليق غير منطقية
بحكم اني عديت الخمسين بشوية
وانتي يدوب في التلاتين
ماعلينا
الخلاصة ان البوليس خصخصوه
تحياتي
الصديقة سبهللة
فتوات الحسينية كانوا جدعان انما فتوات الأيام دي علي شاكلة الحكومة
نهيبة
تحياتي

نوسه وريمان فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

وياريت تضيف اللينك عندك
ومش هتندم ابدآ

مودتى