الاثنين، 9 مارس 2009

القصاص

شاهدت حلقة العاشرة مساء التي عرضت حكم محكمة كفر الشيخ الذي يعتبر هو الأول في تاريخ القضاء و الذي حكم بالأعدام علي عشرة متهمين باختطاف و الأعتداء علي سيدة من كفر الشيخ
وسمعت ان احد المشاهدين اقترح وضع كاميرات تليفزيونية داخل مكان احتجازهم لحين تنفيذ حكم الأعدام
واري ان هذا الأقتراح في محله
فالفائدة من العقوبة هي القصاص من المعتدي ومن ناحية اخري الردع لكل من تسول له نفسه ان يكرر هذا العمل المشين
كنت فيما مضي عندمااشاهد افلام عن الثورة الفرنسية و تجمهر الناس لرؤية الأعدام بالمقصلة
كنت اظنها نوع من السادية و حب العنف
ولكن في الشريعة ان تنفيذ العقوبة يجب ان يشاهده الناس للعبرة و العظة
هل لديكم اراء في هذا الموضوع؟

هناك 6 تعليقات:

حفيدة عرابى يقول...

انا شايفة انه مش لازم يطبق القصاص علنا لان زمان ماكانش فى وسائل اعلام فكانت الطريقة المثلى هى تطبيق الحدودفى الميادين لكن حاليا متهيألى الغرض من القصاص حصل لما سمعتا عن الحكم ولما هنسمع كمان انهم انعدموا فعلا اما تطبيقه بطريقة علنيه متهيألى هيشيل رهبة الموت من الصدور للناس العادية اقصد مش اللى بيطبق فيهم الحكم هتبقى الحكاية مع الفارق الكبير عاملة زىصور القتلى فى التلفزيون احيانا من كثرتها بنتعود عليها ------تحياتى لحضرتك وكل سنة وانت طيب

Foxology يقول...

من رأيى المتواضع ..

اؤيد المشاهد اللى اقترح وضع كاميرات مراقبة فى اماكن الأحتجاز لحين تنفيذ حكم الأعدام ومش بس كدة .. لا .. تصوير حكم الأعداك كمان مع الأعتذار باة للشعارات الفارغة بتاعة حقوق الأنسان

ولكم فى القصاص حياة يا أولى الألباب


تحياتى :)

حفيدة عرابى يقول...

انا مقصدش الشعارات الفارغة بتاعة حقوق الانسان ربنا سبحانه وتعالى هو الحكم وهو اللى امر بالقصاص ---ومش بناقش القصاص نفسه انا بناقش تطبيقه علنا وبس

شمس النهار يقول...

حمد الله علي السلامه ياحاج انت كنت فين
الموضوع ده عجبني علشان القاضي حكم علي العشره نفس الحكم
وماعملهاش مؤبد
بس انا مش عارفه هو الحكم ده نهائي والا ايه

هبة النيـــــل يقول...

أولا ازي حضرتك يا أستاذ طارق


ثانيا معاك حق فعلا

يجب أن يكون القصاص على مرأى ومسمع من الناس

جلال كمال الجربانى يقول...

السلام عليكم ورحمه الله وبركاته

نعم يجب أن يكون تنفيذ العقوبه للعبره والعظه فقد ظهرت لدينا أنواع من الجرائم الغريبه مؤخراً لم تكن لدينا من قبل
ياأخى مش عارف ليه الجريمه والأمراض عندنا هيا بس اللى بتطور
وتقبل تحيتى ومرورى