الخميس، 12 فبراير، 2009

عكس الأتجاه

بالأمس كنت في زيارة للطبيب الذي تقع عيادته بمدينة حلوان مما جعلني امر بثلاث محافظات وهي الشرقية و القاهرة و حلوان ولاحظت ان حالة الطرق التي كانت سيئة اصبحت اسوأ
نحن نعلم ان دولة مثل امريكا بنت حضارته علي مد شبكة مواصلات و طرق عبر البلاد بل في دروس التاريخ نقرا ان حكام النهضة كانوا يهتموا دائما بتعبيد الطرق
وبلدنا ماشاء الله اهتمت بتغليظ العقوبة علي قائد السيارة الذي يسير عكس الأتجاه و هو قرار محمود
لكن ما بالنا بدولة تصر ان تسير هي نفسها عكس اتجاه سير الحضارة

هناك 6 تعليقات:

Foxology يقول...

اعتقد اننا هناخد مخالفة قريب بسبب سيرنا عكس اتجاه الحضارة

والله اعلم بالعقوبة

تحياتى

لقد خلقنا الله احرارا يقول...

مش لما يعرفوا الاول يعنى ايه حضارة نبقى نقولهم انتم عكس الاتجاه --الواحد بيمنع نفسه بالعافيه يستسلم لليأس وخلاص اصحابى حفظوا منى لما جرعة الشكوى تزيد اقولهم (اجتازت مصر فترة عصيبة فى تاريخها الاخير من الرشوة والفساد وعدم استقرار الحكم) واحلم معاهم بثورة تغير المرار اللى عايشين فيه ده-------------- ملحوظة الطلبة فى اعدادى عارفين ان كلمة حضارة معناها الانجازات التى يحققها شعب ما فى فترة معينة من تاريخه سواء فى النواحى المادية او الروحية ---------- لكن احنا حكوتنا منورة بالصفر فى كل المحافل حتى عندنا وزير ثقافة مستعد يبييعنا علشان يوصل لليونسكو

شمس النهار يقول...

ياحج طارق للأسف احنا مش مشيين اصلا
لامعاها والا ضدها
ليه حضرتك مش بترد علي التعليقات عندك خير

tarek momen يقول...

الصديق العزيز فوكس الحكيم
يهيا لي ان الحكومة تعتقد انه من الممكن حل مشكلة المخالفة بورقة بخمسين دولار لأمين شرطة الحضارة
وسلم لي علي قانون المرور
ــــــــــــــــــــــ
الصديقة حفيدة عرابي
مفهوم الحضارة عند حكومتنا هو الحضور في المحافل الدولية و الأكتفاء بالتمثيل المشرف
"صفر فما دون ذلك"
اوعي تستسلمي للياس فهذه الحكومة ليست هي كل المصريين
هناك ألاف النماذج الشرفة في كل موقع
ةالليل مهما طال اخره نهار
ــــــــــــــــــــــــــ
الصديقة شمس النهار
منورة المدونة
اعاني بعض المشاكل مع جهاز الكمبيوتر مما يتسبب في تاخير ظهور التعليقات
تحياتي

Mataio يقول...

The meaning of Judaism can be found on one of my previous blogs
http://mataioscorner.blogspot.com/2008/11/what-is-judaism.html

hope that helps to clarify things

همس يقول...

دول عالم حوله

كل الحكايه عايزن يلمو قرشين من الغرمات


فكل يوم يطلعولنا بحاجه شكل

الله يحرقهم ونخلص

تحياتى يا باباتى