و ما الدنيا الا مسرح كبير

https://www.facebook.com/notes/nabil-abdelhaleem/%D8%AD%D9%84%D9%85-%D8%A7%D9%84%D8%AB%D9%88%D8%B1%D8%A9/10150615912482398?notif_t=note_tag

البقاء لله
الساخر جلال عامر في ذمة الله

دعايات فجة

وانت تجلس في منزلك وسط اطفالك ياتيك ضجيج ميكروفوني من خارج المنزل..انتخبوا فلان الفلاني صاحب الصوت الحر و الفكر الجرئ بلابلابلابلالابلا
لايختلف مشهد المواكب الانتخابية كثيرا عن الباعة الجائلين ينادوا علي بضاعتهم من خلال ميكروفون و يزينوها لك
اشتري بصل الخزين معانا البصل
وتفاجئ بعد ان تشتري ان البصل ردئ

عندما يضع حزب النور السلفي او الحرية والعدالة الاخواني لافتة مكتوب عليها اهالي المنطقة يؤيدون الحزب .....
هل تكتب عليهم كذبة؟؟؟
لاني من اهالي المنطقة و لا اؤيدهم

يغيظك ان يقابلك شخص سمج علي باب اللجنة الانتخابية ليقول لك لا تنسي فلان الفلاني مرشح الشباب
طب يا اغبي خلق الله اذا لم بكن له من اعماله او سيرته مايجعلني اتذكره فهل كلامك هو ماسيجعلني انتخبه

انتخابيات 5

كنت عائد الي مدينتي بعد زيارة الي القاهرة و امام مدينة الشروق لمحت سيدة منفبة علي جانب الطريق تشير للسيارات العابرة ..غالبت ترددي و خوفي و توقفت لها سالتني :ممكن اركب لغاية العاشر

اجبتها : اتفضلي

ركبت في المقعدالخلفي و هي تشكرني وانطلقت بالسيارة و بعد لحظات من الصمت الثقيل قررت ان اكسر حاجز السكوت فسالتها :انتي داخلة المدينة و اللا هاتنزلي علي الطريق

اجابت هانزل عند تقاطع طريق بلبيس

فسالتها انتي ساكنة في بلبيس اجابت ايوة

وهنا انتقلت للسؤال الذي احرجم عليه انتي هاتشتركي في الانتخابات

اجابت هو صحيح فيه عرامة 500 جنيه

اجبتها ايوة بس المفروض بننتخب علشان ده واجب علينا مش علشان خايفين من الغرامة

ردت ::ايوة طبعا بس انا مش عارفة حد من المرشحين

سالتها تعرفي الاحزاب

ردت عارفة حزب الاخوان بس صحيح لو كسبوا هايخلوا الستات تقعد في البيت و ماتخرجش..اصل انا باشتغل و باصرف علي عيال

اجبتها :ماعتقدش الاخوان كده يمكن السلفيين

ردت انا عارفة السلفيين متشددين

رفعت حاجب الدهشةمن هذه المقولة الصادرة عن منقية!!!!!!

قلت لها لا الاخوان معقولين شويةو فيه برضه احزابتانية كويسة بس انتي اسالي و شوفي الدعايات اللي في بلدكم

قات ان شاء الله ربنا يولي علينا من يصلح و هنا كنا وصلنا لتقاطع طريق بلبيس فنزلت و هي تشكرني مرة اخري

انتخابيات 4

شاب في الثلاثينت سالته :مهتم بالانتخابات
اجاب : والله مش عارف اديني هاروح و اشوف
سالته::طيب ناوي ترشحانهي حزب
رد السؤال بخبث: هو انت هاتنتخب مين
اجبت: انا ناوي انتخب حزب العدل:
استطرد سائلا و قد احس انه امسك زمام الحوار دون ان يتورط في اجابة!!!!!!
ده بتاع الاخوان؟؟؟
اجبت : لا ده حزب جديد و به اعضاء من شباب الثورة
سال مرة اخري: و اشمعني ده
اجبت: لاني اري ان كثير من الناس سيعطون اصواتهم للاخوان اما بناء علي مبدا السمع و الطاعة او بسبب نجاح الاخوان في حملة الدعاية او تاثرا بالدعاية السلبية ضد الاحزاب الليبرالية و انا ارغب في رؤية احزاب اخري بجوار الحرية و العدالة مع احترامي لمنهج الاخوان
رد باقتضاب: كلام معقول و انصرف دون ان يعطيني اي احساس بانه مقتنع او معارض॥يمكن لو كنا قبل الثورة كنت اعتقد انه سيظن اني امن دولة متخفي احاول ان اوقعه في الكلام!!!!!

انتخابيات 3

هي فتاة في العشرين طالبة في احد المعاهد الهندسية العليا كانت خارجة من باب المعهد اقتربت منها و سالتها: هاتشاركي في الانتخابات القادمة
اجابت : ان شاء الله المفروض كلنا نشارك بس المشكلة اني مش عارفة حد من الناس اللي مرشحين نفسهم و لا اعرف الاحزاب المشتركة في الانتخابات و خايفة اروح اعطي صوتي لاي حد يطلع حرامي زي بتوع الوطني
قلت لها انت مش عندك نت ممكن تدخلي عليه و تعرفي الاحزاب و برامجها و المرشحين و خلفياتهم و تميزي بين الكويس و الفلول
قالت :عندك حق ياعمو كفايانا بقي سكوت و عدم مشاركة ان شاء الله هاعمل بنصيحتك
!!!!!!!!!!!!!!!!!!

انتخابيات 2

كان يقف منتظرا ميكروباص... ممتلئ القوام في اواسط الاربعين ذو لحية كثيفة
سالته : هل ستشارك في الانتخابات القادمة
اجاب : ان شاء الله و ستكون المرة الاولي لي
سالته : هل استقر رايك علي حزب معين؟
اجاب : حزب النور ان شاء الله
سالته : و لمهذا ليس الحرية و العدالة
اجاب : اسلوبهم ناشف مع الناس ثم استدرك قائلا : و برضه بعض السلفيين متشددين زي اللي قال الاقباط اللي مش عاجبهم يروحو امريكا مع ان كل المصريين اقباط لان قبطي يعني مصري مش يعني مسيحي
قلت : و لكن هناك ايضا مسيحيين متطرفين و يقولوا ان المسلمين ضيوف عليهم في بلدهم!!!" من باب استفزازه حواريا"
اجاب : المفروض اننا نهمل المتشددين من الطرفين و نتفق كلنا علي كلمة واحدة و حزب واحد
قلت : لكن الاختلاف من طبائع البشر انت اهلاوي انا زملكاوي انت عايز حزب النور انا عاوز حزب العدل المهم نحترم بعض
وعند هذا الحد حضر الميكروباص فانصرف الرجل لشأنه وانصرفت انا ايضا